Yohane 18:1 - Tonga Bible 1986

¹ Wanguti wakamba vyenivi, Yesu wangutuwa pamoza ndi ŵasambizi ŵake kuya ku sirgha liya la kamsinju Kedroni, kweniko kwenga ndimba, mwenimo ŵangusere, iyo ndi ŵasambizi ŵake.

Yohane 18:1 Referans Kwoze

Marko 14:32

Ŵanguza ku malo, zina lake Gesemane; ndipo watiti ku ŵasambizi ŵake, “Tekani panu, mpaka ndaromba.”

Mateyu 26:36

Sono watuza Yesu pamoza nawo ku malo ghakuzumbulika Gesemane, ndipo waŵanene ŵasambizi, “Jani penipanu po ine ndiruta kuwa kwachiromba.”

2 Samuele 15:23

Ndipo charu chose chinguliya ukongwa lichijumpha khamu lo, ndipo karonga wangwambuka msinji Kidroni ndi khamu lose lingujumpha kurazga ku bozwa.

Yohane 18:26

Watiti yumoza wamu ŵaŵanda ŵa mzukuru mura, mbali waku yo Petro wangumdumuwa gutu, “Asi ndingukuwona iwe mu dimba po pamoza nayo?”

Yohane 14:31

kweni alinga kuti charu cho chiziŵe kuti nditanja Dada, ndicho chifukwa ndichita vyose nge ndimo watindilanguliya. Yukani, tituwepo panu.

Yeremiya 31:40

Dambo lose la viŵanda ndi vyoto, ndi minda yose kwachifika ku kamsinji ka Kidroni, kwachifika ku chisongo cha Likomo la Kavalo kurata ku vuma, pose pakaŵanga malo ghakupaturikiya ku Ambuya. Kuti ukazuwikanga nanga nkhubwangandulika so cha muyaya.”

2 Mikoka 30:14

Ŵangwamba kuteŵeta ndi kutuzga jochero lo linguŵa mu Yerusalemu, ndi majochero ghose ghakochiyapo vyakununkhira, ŵanguvito ndi kuvipong'a mu dambo la Kidroni.

2 Mikoka 15:16

Chingana ndi Maka ŵanyina, Asa wanguŵatuzgamo mu ufumukazi wawo chifukwa ŵanguchita chikozgu cha Ashera. Asa wangudumuliya pasi chikozgu ndi kuchipikitapikita, ndi kuchocha ku msinji Kidroni.

2 ŴaKaronga 23:12

Wangubwanganduwa majochero gha pa mitenje ya chipinda cha pachanya chaku Ahazi cho ŵakaronga ŵaku Yuda ŵangupanga, ndi majochero gho wanguzenga Manase mu mabwalo ghaŵi gha nyumba ya Ambuya, wanguwiskiya pasi ndi wanguswa tumana tumana, ndipo wangutaya fuvu lake mu kamsinje ka Kidroni.

2 ŴaKaronga 23:6

Ndipo wangutuzga chikozgo cha Ashera mu nyumba ya Ambuya, kwachitaya kubwalo kwa Yerusalemu, ku kamsinje ka Kidroni, wanguchoche pa kamsinje ka Kidroni wanguchipuwa kuŵa fuvu ndipo wangudira fuvu lake pachanya ndi miunda ya ŵanthu bweka.

1 ŴaKaronga 15:13

Wangutuzgamo so ndi anyina Maka wo ŵenga fumukazi chifukwa ŵenga ndi ngoza wa ukazuzi yo wangupangikiya Ashera; Asa wangudumuliya pasi ngoza wawo ndi kumocha pa kamsinje ka Kidroni.

Chiyambo 3:23

Chifukwa cho Ambuya Chiuta wangumutuzga mu munda wa Edene, kwachilima nyata kwaku yeniyo wangutolekako.

Marko 14:26

Ndipo wanguti wamba lisumu wangutuliya ku phiri la Olivete.

Mateyu 26:30

Ndipo ŵanguti ŵamba sumu ŵangutuliya ku phiri la Olivete.

Chiyambo 2:15

Ambuya Chiuta wanguto munthu ndi wangumuŵika mu munda wa Edene ku ulinda ndi kuwusunga.

1 ŴaKaronga 2:37

Chifukwa mu zuŵa lo utuliyengemo, ndi kwambuka ka msinji ka Kidroni, ziŵiska kuti ukafwanga; ndopa zako zikaŵanga pa mutu waku wamweni.”

2 ŴaKaronga 23:4

Ndipo karonga wangulanguliya Hilkiya mzukuru mura ndi ŵazukuru ŵachigaŵa cha chiŵi, ndi ŵakusunga mbuli, kwachituzga mu kasopi wa Ambuya viyaŵi vyose vyo vingupangikiya Bala vyaku Ashera, ndi vya maŵanja ghose gha kuchanya, wanguvyoche kubwalo kwa Yerusalemu mu minda ya Kidroni, kweni vyoto vyake vingutoreke ku Betele.

2 Mikoka 29:16

Ŵazukuru wangusere mu chigaŵa cha mukati ukongwa cha nyumba ya Ambuya kwachichitozga, ndipo ŵangutuzgiya ku bwalo kwa nyumba ya Ambuya vyauyu vyose vyo ŵangusaniya mu kasopi wa Ambuya, ŵaLevi ŵanguvito ndi kuruta navyo ku kamsinji ka Kidroni.

Nehemiya 2:15

Pavuli ndingukwere kudambo ndi usiku ndingusanda linga, lo; pavuli ndinguwere kuvuli ndi ndinguserere pa likomo la Dambo, viyo ndinguweko.

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

ŴaLevi 2:6

Wakawumenyanga tumanatumana ndi kudapo mafuta pachanya, ndi mpasku wa ufwa.

Marko 14:42

yukani, tirutenge: onani, wakundipachiya yo waŵandika.”