Yohane 17:4 - Tonga Bible 1986

⁴ Ine ndarongo unkhankhu winu panupasi; mwakuti ndafiska nchitu yo mungundipaska kwachichita.

Yohane 17:4 Referans Kwoze

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

2 Timote 4:7

Ndalimbiya mlimbalimba weneko, ndafiska chipharizganu cho, ndachikoreze chivwanu cho:

Yohane 19:30

Viyo penipo Yesu wanguronde vinyo yo, wanguti, “Kwamare!” Ndipo wangupendeka mutu wake wangufwa.

Yohane 14:31

kweni alinga kuti charu cho chiziŵe kuti nditanja Dada, ndicho chifukwa ndichita vyose nge ndimo watindilanguliya. Yukani, tituwepo panu.

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Yohane 14:13

Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.

Yohane 12:28

‘Ada, kankhuskani zina linu.’ ” Viyo kunguza liu lakutuwa kuchanya, lakuti “Ndalikankhuska, ndipo ndilikankhuskenge so.”

Yohane 9:3

Wangwamuka Yesu, “Chingana ndi mwenuyu kuti wangulakwa cha, chingana mbapapi ŵake; kweni alinga kuti zirongoleke mwake nchitu zaku Chiuta.

Yohane 5:36

Kweni ine nde nawo ukaboni mwakundamweni ukuruku kwakuruska wo waku Yohane; chifukwa nchitu zo Dada wandipaska kuti ndifiske, nchitu zo ine ndichita, zenizo zisimikizgiya ine, kuti Dada wandituma.

Luka 22:37

Chifukwa ndikuneniyani, kuti chakulembeka chenichi chitene kufiskikiya mwaku ine, ‘Wangupendeke pamoza ndi ŵaziradangu:’ chifukwa so cho cha paku ine che nawo umari.”

Yohane 19:28

Pavuli paku cho Yesu, pakuziwa kuti sono vyafiskika vyose mwakuti lifiskike lembo lo, watiti, “Nde ndi nyota.”