Yohane 17:3 - Tonga Bible 1986

³ Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 17:3 Referans Kwoze

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 3:17

Chifukwa Chiuta wengavi kumtuma Mwana wake mu charu, kuti weruzge charu; kweni kuti charu chitaskikiye mwaku iyo.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yohane 17:21

kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Yohane 3:34

Chifukwa mweniyo Chiuta wamtuma, warongoro mazu ghaku Chiuta: chifukwa kuti wapaska Mzimu kwamweso cha.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

1 ŴaKorinte 15:34

Yukiyani ku urunji, ndi kuti mungalakwa cha; chifukwa ŵanyake mbajira mu kumuziŵa Chiuta; ndikamba namwe ichi alinga kuti mulengeke lilengu.

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yesaya 48:16

Ndereni kwangu kufupi, avwani ichi; kwamba pa mtendeko ndilivi kukamba ku ubende, kwamba pa nyengo yo chingwamba kuŵako ndenga penipa.” Ndipo sono Ambuya Chiuta wandituma ine ndi Mzimu wake.

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Yohane 7:29

Ine nditumziŵa, pakuti ndatuwa kwaku iyo, ndipo ndiyo wangundituma.”

Yohane 6:57

Uli ndimo Dada wamoyo wangutumiya ine, ndipo ine ndija mwaku iyo wamoyo; viyo so wakurgha ine, nayo wajariyenge wamoyo pa chifwa chaku ine.

2 Mikoka 15:3

Yisraele wanguja nyengo yitali wambura Chiuta wa uneneska, ndi wambura mzukuru wakusambizga, ndi kwambura dangu.

Yohane 5:44

Mungavwana uli imwe, mwaŵakuronderana unkhankhu, ndipo unkhankhu waku tuwa kwaku Chiuta yija kuti mutiwulemba cha?

Yohane 11:42

Ine ndaziŵanga kuti nyengo zose mutindivwa: kweni pa chifwa cha mzinda wo wama pano ndikamba, alinga kuti ŵavwane kuti imwe mukundituma.”

Luka 9:48

ndipo wanguti kwaku wo, “Mweniyo yose wangaronde kana yaka pa zina laku ine, waronde ine: ndipo mweniyo yose wangaronde ine, waronde wakundituma: chifukwa mumanaku yo waku mose ndiyo waŵenge mura.”

Marko 9:37

“Yose yo wangaronde kamoza ka twana twaviyo mu zina langu, waronde ine; yo wangaronde ine, kuti waronde ine cha, kweni wakundituma yo.”

1 ŴaKorinte 8:4

Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.”

Nthanthi 8:35

Pakuti mweniyo wasaniya ine wasaniya umoyo ndipo waronde mwaŵi wakutuwa ku Ambuya;

Yohane 17:18

Mo mungutumiya ine mu charu, ine nane ndaŵatuma iwo mu charu.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

ŴaFilipi 3:10

kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake,

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

2 Petro 1:2

Wezi ndi chimangu vyandaniskikiye kwaku imwe mukuziŵiska Chiuta ndi Yesu Ambuyafwe.

2 Petro 1:3

Uli ndimo nthazi yake yauchiuta yatipaskiya vyose vyakukhumbikwa ku umoyo ndi uwopa Chiuta, mu kumziŵa mweniyo watidaniya ku unkhankhu ndi umampha waku yija;

2 Petro 1:8

Chifukwa pakuŵa vyenivyo mwinu ndi kuzara, vikukanizgani kuŵa ŵakata ndi ŵambura vipasi kuchiri ku chiziŵisku cha Ambuyafwe Yesu Kristu.

1 Yohane 1:2

(ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe);

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

1 Yohane 2:23

Yose wakumkana Mwana, walive so Dada: yo ngwakuzomera Mwana, we nayo Dada so.