Yohane 16:19 - Tonga Bible 1986

¹⁹ Yesu wanguteska kuti ŵakhumbanga kumfumba, wangunena nawo, “Kumbi mufumbiskana paku chenichi, pakuti ndinguti, ‘Kanyengo kamanavi, kuti mundiwonenge cha, ndipo so kanyengo kamanavi, ndipo mwamkundiwona pavuli?’

Yohane 16:19 Referans Kwoze

Yohane 16:30

Sono tiziŵa kuti muziŵa vyose, ndipo kuti mukavuka cha kuti yumoza wakufumbeni: mwaku chenichi tivwana kuti mungutuliya kwaku Chiuta.”

Yohane 16:16

“Kanyengo kamanavi kuti mundiwonenge so cha; ndipo so pavuli pa kanyengo kamanavi ndipo mwazamkundiwona.”

Yohane 14:19

Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

Yohane 13:33

Mwatwana mwe, kanyengo kamanavi ndeche namwe pamoza. Mundilembenge; ndipo nge ndimo ndiguŵanene ŵaYuda, viyo sono nako ndinene imwe, ‘Kweniko ine nditiya kuti muziŵa kuzako imwe cha’

Yohane 7:33

Yesu wanguti, “Nyengo yimanavi ndeche namwe pamoza, ndipo ndiruta kwaku yo Wakundituma.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Mateyu 9:4

Ndipo Yesu, wakuziŵa maghanaghanu ghawo, wanguti, “Chifukwa chine mupimiya viheni mu mitima yinu?

Mateyu 6:8

Viyo mungakozgananga nawo cha: chifukwa Auskemwe ŵaziŵa vyo mukavuka, mweche mundaŵapemphe.

Marko 9:32

Kweni iwo kuti ŵanguwamo kakambidu ko cha, ndipo wopanga kumfumba.

Yohane 6:61

Kweni Yesu, pakuziŵa mwaku iyo mweneko kuti ŵasambizi ŵake ŵadinginikanga paku ichi, wanguti kwaku wo, “Kumbi kakuguŵiskani kenaka?

Yohane 16:18

Viyo wanguti, “Nchine cho watiti, ‘Kanyengo kamanavi’? Kuti tiziŵa cha cho warongoro.”

Yohane 16:23

Ndipo mu zuŵa liya kuti mundifumbenge kanthu cha. Nadi ndikuneneskiyani, asani mwazampempha Ada kanthu, mu zina langu wazamkukupaskani.

Yohane 16:26

Mu zuŵa liya murombeyenge mu zina langu; ndipo kuti ndikamba kuti ine ndifumbiyenge Ada paku imwe cha.