Yohane 15:22 - Tonga Bible 1986

²² Asani ndengavi kuza ndi kurongoro nawo, mphanyi ŵengavi ulakwi; kweni sono ŵalive mphandira wapa ulakwi wawo.

Yohane 15:22 Referans Kwoze

Yohane 9:41

Yesu wanguŵanene, “Ne mwenga wachiburumutiya, mphanyi mwengavi ulakwi, kweni sono pakuti mutiti, ‘Tiwona:’ ipu ulakwi winu ujaririya.

Yakobe 4:17

Viyo kwaku yo waziŵa kuchita keneko, ndipo ngwambura kukachita, kwaku mweniyo nchilakwa.

Machitidu gha Ŵakutumika 17:30

Viyo nadi Chiuta wangujumphiskiya maso pa nyengo zo za ujira; kweni sono walanguliya ŵanthu wose kosekose kung'anamuka:

ŴaRoma 1:20

Chifukwa kutuwa ku ulengi wa charu vyambura kuwoneka vyake, ndivyu nthazi yake yamuyaya ndi so uChiuta wake, viwoneke limu, pakuteskeka mu machitidu ghake, viyo yaŵa ŵanthu mbambura mphandira.

Yohane 12:48

Wakupata ine ndi wakureka kuronde makambidu ghangu, we nayo wakumweruzga: mazu gho ndarongoro, ghenagha ghakumweruzga mu zuŵa lakumariya.

1 Petro 2:16

Jani nge mbanangwa, kweni ŵakuchitiya ndi wanangwa winu uli nchivwinkhu cha uheni cha, kweni uli mbaŵanda ŵaku Chiuta.

ŴaRoma 2:1

Viyo ndiwe wambura mpandira, wa munthu yose wakweruzga: chifukwa mwaku chenicho uteruzga munyako, ujisuska wamweni; pakuti wakweruzga uchita vyenivyo.

Luka 12:46

wazenge mbuyake wa muŵanda yuwa mu zuŵa lenilo walive kulereze, ndi mu ora lenilo walive kuziŵa, ndipo wamdumuwenge, ndi waŵikenge chigaŵa chake pamoza ndi ŵambura magomekezgeka.

Ezekiele 2:5

Manyi ŵamkuvwa pamwenga ŵamkana kuvwa (pakuti ndi nyumba ya chigaruka) ŵakaziŵanga kuti mwenga mchimi mukati mwawo.

Yohane 19:11

Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

Yohane 15:23

Wakutinkha ine, watinkha Ada so nawo.

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Yohane 16:9

pa ulakwi chifukwa wareka kuvwana mwaku ine;