Yohane 15:21 - Tonga Bible 1986

²¹ Kweni vyose ivi ŵakakuchitiyaninga pa chifwa cha zina langu, pakuti ŵalive kumuziŵa yo wangundituma.

Yohane 15:21 Referans Kwoze

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

Mateyu 24:9

“Penipo ŵamkukukomboleni ku suzgu, ŵamkukubayani: ndipo muŵenge ŵakutinkhika ndi mitundu yose pa chifukwa cha zina langu.

Mateyu 10:18

ndipo so ku zinduna ndi ŵakaronga mutolekiyenge pa chifwa chaku ine, kwachiŵiya iwo ndi ŵaMitundu chisimikizgu.

Machitidu gha Ŵakutumika 5:41

Viyo iwo ŵangutuwa ku upu wo, ŵakukondwere pakuti ŵangupima kuti ŵenga ŵakwenere kukomwa ndi kurengeskeka chifukwa cha zina lo.

Chivumbuzi 2:3

ndiziŵa kuti unkhunthiya we nawo, ndi kuti wavwiyapo suzgu yikuru chifukwa cha zina langu, kweni kuti wagongowa cha.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

1 ŴaKorinte 15:34

Yukiyani ku urunji, ndi kuti mungalakwa cha; chifukwa ŵanyake mbajira mu kumuziŵa Chiuta; ndikamba namwe ichi alinga kuti mulengeke lilengu.

1 ŴaKorinte 2:8

Zeru yeniyo wengavi kuyiziŵa nanga njumoza wa ŵakuwusa ŵa mgonezi uwu: chifukwa asani ŵanguyiziŵa, mphanyi ŵengavi kuŵapayika Ambuya ŵa unkhankhu.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Machitidu gha Ŵakutumika 17:23

“MwaŵaAthene, ndiwona kuti mwaku vyose mwe ŵakusopa ukongwa, chifukwa ndichisorotapo ndi kuthoŵa vyo musopa ndingusaniya chisoperu nacho, po pangulembeka, ‘Kwaku Chiuta Wambura Kuziŵikwa.’ Viyo mweniyo musopa mwambura kumziŵa, ine ndikutauliyani iyo.

Machitidu gha Ŵakutumika 9:16

chifukwa nkhamurongonga vyo vyose kutenere iyo kukunthiyapo pa chifwa cha zina langu.”

Machitidu gha Ŵakutumika 3:17

“Ndipo sono, mwa ŵabali, ndaziŵa kuti munguchita cho mu ujira, ulindimo ŵanguchitiya ŵaraŵara ŵinu nawo.

Yohane 8:54

Wangwamuka Yesu, “Asani ine nditijikankhuska unkhankhu wangu kuti nkhanthu cha; Ada mbakundikankhuska; wo imwe munena, kuti ndi Chiuta winu;

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Mateyu 10:39

Yo wasaniya umoyo wake, wawutayenge; ndipo wakutaya umoyo wake pa chifukwa chaku ine, wawusaniyenge.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Sumu 69:7

Pakuti chifukwa chakuimwe ine ndapinga sunjizgu, soni za benekere chisku changu.

Mateyu 5:11

“Mwe ŵakutumbikika penipo ŵanthu ŵamtoza ndi kuŵemba imwe, ndipo ŵamnena chiheni chose paku imwe kwautesi, pa chifukwa chaku ine.

Marko 13:13

Ndipo mukaŵanga ŵakutinkhika ndi wose chifukwa cha zina langu. Kweni yo wakunthiyengepo mpaka umari, mweniyo wakataskikanga.

Luka 21:12

Kweni vindaŵepo vinthu vyenivyo vyose, mukamangikanga ndi kuŵembeka, mutorekiyenge ku cheruzgu mu masinagoge, ndi kuŵikika mu ulinda, mukatolekiyanga paurongo pa ŵakaronga ndi ŵeruzgi, chifukwa cha zina langu.

Luka 21:17

Ndipo muŵenge ŵakutinkhika ndi wose chifukwa cha zina langu.

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Machitidu gha Ŵakutumika 4:17

Kweni alinga kuti chingawandiya kwakuruska mu khamu lo cha, tiŵachenjezgenge kurongoro so cha mu zina lenili, chingana nkhu munthu yumoza.”

Machitidu gha Ŵakutumika 9:14

ndipo panu waronde ku ŵazukuru ŵara mtufu kwachimanga wose wo mbakudana pa zina linu.”

Machitidu gha Ŵakutumika 26:9

“Inya ndingupima ine ndamweni, kuti kungundenere kuchita vinthu vinandi vyakumikana ndi zina lo laku Yesu waku Nazarete.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

3 Yohane 1:7

chifukwa kuti, pa chifukwa chazina lo, waruta kwambura kuronde kanthu ku ŵaMitundu wo.