Yohane 15:1 - Tonga Bible 1986

¹ “Ine ndine mphereska yeneko, Ada mbalimi.

Yohane 15:1 Referans Kwoze

Yeremiya 2:21

Kweni ine ndingumupandani mwa mphereska yamampha, mbeu yambura kwanangika. Na mwang'anamuliyanji kaŵiro kinu ndipo mwaŵa mphereska yamu dondo?

1 ŴaKorinte 3:9

Chifukwa te ŵanchitu-ŵanase ŵaku Chiuta; ulimi waku Chiuta, uzengi waku Chiuta ndimwe.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Yesaya 4:2

Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele.

Yohane 6:55

Pakuti nyama yangu nchakurgha cheneko, ndopa zangu nchakumwa cheneko.

Yeremiya 12:10

Ŵaliska ŵanandi ŵabwanganduwa munda wangu wa mphereska, ŵapwatiya pasi chigaŵa chinga, charu changu cha kukondweska ŵachisanduska bozwa la uyiku.

1 Yohane 2:8

Ndipo so, ndikulembiyani dangu lifya lenilo mbuneneska mwaku iyo ndi mwaku imwe; pakuti mdima wo ukungunuka, ndipo ndi sono kungweruka kweneko kuŵala.

Marko 12:1

Wangwamba kurongoro nawo muzintharika, “Munthu wangupanda munda wa mphereska, wanguŵigha lisitu, wangukumba pakuponde mphereska, wanguzenga chigongwe, ndipo wanguwupazgiya ku ŵalimi, ndipo wanguyamtambula ku charu chinyake.

Mateyu 21:33

“Avwani ntharika yinyake. Kwenga munthu, mweni-nyumba yo wangupanda munda wa mphereska, wanguwusitiya lisitu, wangukumba chakukandiyamo mphereska, ndi wanguzenga chigongwe ndipo wanguwupazgiya ŵalimi, ndipo wangamtembeya ku charu chinyake.

Hoseya 10:1

Yisraele ndi mphereska yakukuwa umampha, yo yipasa vipasi vyake. Mo waliri ndi vipasi vinandi ndimo wazenge majochero ghanandi; mo charu chake chiŵiya chamampha, ndimo wachitiya vikozgo vyamampha.

Yohane 6:32

Wanguŵanene Yesu, “Nadidi ndikuneneskiyani, kuti ndi Mosese yo wangukupaskani chiŵande cho chakutuwa kuchanya cha; kweni Ada ndiwo atukupaskani chiŵande chenecho chakutuwa kuchanya.

Luka 13:6

Ndipo wakambanga ntharika yeniyi, “Yanimweni wenga nawo mkuyu wakupandika mu munda wake wa mphereska: ndipo wanguza chipenja chipasi mwake, ndipo kuti wanguchisaniya cha.

Mateyu 20:1

“Chifukwa ufumu wa kuchanya ukozgana ndi munthu, mweninyumba, yo wangutuwa pa nyengo ya mlenji kwachilembera ŵanchitu ku munda wake wa mphereska.

Sumu ya Zisumu 7:12

ticherere ndi mlenjilenji ku minda ya mphereska, tikawone vinu mphereska zayamba kupasa, vinu vipasi vyatuzga maluŵa, ndi ŵazobala vinu ŵachita maluŵa. Kwenikuwa ndamkukupaska chanju changu.

Zekariya 3:8

Yivwa sono, iwe Yoswa mzukuru mura, iwe ndi ŵanyako wo ŵaja pasi panthazi pako, chifukwa mbanthu ŵa marumbu; ndizenge nayo mteŵeti wangu, ndiyo Mphanda.

Yohane 1:9

Kungweruka kwenecho, kwakungweruska munthu yose kwazanga mu charu.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Ezekiele 19:10

Anyoko ŵanguŵa nge ndi mphereska mu munda wa mphereska, ŵanguwokeka pafupi ndi maji, ŵakupasa vinandi, ŵakuŵa ndi mphanda zinandi, chifukwa cha unandi wa maji.

Mateyu 15:13

Kweni, wakwamuka, wanguti, “Chakupandika chose cho ŵengavi kupanda Ada wakuchanya, chizuwikenge.

Yohane 15:2

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

ŴaRoma 11:17

Kweni asani mphanda zinyake zafyolekako, ndipo iwe, pakuŵa olive lakudimba,