Yohane 14:27 - Tonga Bible 1986

²⁷ Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Yohane 14:27 Referans Kwoze

ŴaFilipi 4:7

Ndipo chimangu cho chaku Chiuta, cho chizungura kuwamo kose, chikalindiyanga mitima yinu ndi vinjeru vinu mwaku Kristu Yesu.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

2 ŴaTesalonika 3:16

Sono Mbuya mweneko wa chimangu wakupaskeni chimangu nyengo zose mu karusu kose. Ambuya ŵaŵe namwe mose.

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

2 Timote 1:7

Chifukwa Chiuta wengavi kutipaska mzimu wa chitenthe, kweni wa nthazi ndi wa chanju ndi wa chilangwa.

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

Maŵerengedu 6:26

Ambuya ayinuskiye paku imwe chisku chawo, ndi kukupaskani chimangu.

ŴaRoma 8:6

Asani vinjeru vyako virongozgeka ndi vyo kaŵiro ka unthu kakhumba, vikakurongozgiyanga ku nyifwa, kweni asani vinjero vyako virongozgeka ndi vyo Mzimu ukhumba vikakurongozgiyanga ku umoyo ndi chimangu.

Yeremiya 1:8

Ungopanga iwo cha, pakuti nde nawe kukutaska iwe,” atiti Ambuya.

ŴaGalatia 1:3

Wezi kwaku imwe ndi chimangu kutuwa kwaku Chiuta Dada, ndi Mbuyafwe Yesu Kristu,

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

Sumu 29:11

Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

Yohane 14:1

“Ungakweŵekanga mtima winu cha: vwanani mwaku Chiuta, vwanani mwaku ine so.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Sumu 112:7

Kuti wachita mantha ndi mbiri yiheni cha; mitima wake ngwakukhozgeka, ndipo wagomekezga mwaku Chiuta.

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

Yohane 20:21

Yesu wanguŵanene so, “Chimangu chikuŵiyeni! Mo Dada wanditumiya ine, nane so ndikutumani.”

Sumu 56:11

mwaku Chiuta ndigomekezga kwambura kopa. Wangachitanji nane munthu?

Sumu 91:5

Kuti ukawopanga chakofya cha ndi usiku nanga nkhugundizgika kwakubuchizga ndi msana,

ŴaKolose 1:20

ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.

ŴaRoma 1:7

Viyo ndilemba kwaku wose ŵamu Roma, ŵakwanjiwa ŵaku Chiuta, wakudanika kuŵa ŵakupaturika. Wezi kwaku imwe, ndi chimangu, kutuliya kwaku Chiuta Auskefwe ndi Ambuya Yesu Kristu.

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Sumu 85:10

Chanju chakufikapo ndi ukongorekwa vyaziya pamoza; urunji ndi chimangu vyakumana.

1 ŴaKorinte 1:3

Wezi kwaku imwe ndi chimangu kutuwa kwaku Chiuta Auskefwe ndi ku Ambuya Yesu Kristu.

Sumu 56:3

Ndichiŵa wamantha, ndiŵika chigomezgu changu mwaku imwe.

Yohane 20:19

Viyo kwati kwaŵa mazuru, pa zuŵa liya lachimoza la sabata, penipo visasa vingujarika mo mwenga ŵasambizi, chifukwa cha kopa ŵaYuda wanguza Yesu, wanguma mukati mwawo wangunena nawo, “Chimangu chikuŵiyeni!”

2 ŴaTesalonika 1:2

Wezi kwaku imwe ndi chimangu kutuwa kwaku Chiuta Dada ndi Ambuya Yesu Kristu.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Luka 2:14

“Unkhankhu kwaku Chiuta mu mdengwendi, ndi panupasi chimangu mu ŵanthu mwaku wo wakondwere.”

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

ŴaHebere 13:20

Ndipo Chiuta iyo wa chimangu, mweniyo wangumyuska ku ŵakufwa Mliska yo Mura wa mberere mu ndopa za chipanganu chamuyaya, ndiyo Ambuyafwe Yesu,

Machitidu gha Ŵakutumika 18:9

Kweni Ambuya angumunene Paulo mu chiwona ndi usiku, “Ungopanga cha, kweni kambanga, ndi ungachetama cha;

Mateyu 10:26

“Viyo mungopanga wo cha: chifukwa palive kakuvunikirika ko karekenge kuvunulika; ndi kakubisika ko karekenge kuziŵikwa.

Yesaya 55:12

“Pakuti mukatuwanga ndi likondwa, ndi kurongozgeka mu chimangu; mapiri ndi mitunthu vikambanga paurongo pinu, ndipo miti ya mudondo yikakuwanga manja ghawo.

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

ŴaHebere 7:2

kwaku mweniyo nayo Abrahamu wangugaŵiya cha chichumi chaku vyose (wakung'anamuka danga, Karonga wa Urunji, ndi so pavuli, Karonga waku Salemu, ndikwesa, Karonga wa Chimangu;

Yohane 20:26

Ndipo pavuli pa mazuŵa ghankhonde ndi ghatatu ŵasambizi ŵake ŵenga mwenimo so, ndi Tomase pamoza nawo. Wanguza Yesu vyati vyajarika visasa vyo, ndipo wanguma mukati mwawo, wanguti, “Chimangu chikuŵiyani.”

Ezekiele 2:6

Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

Sumu 28:3

Mungandiguziyanga pamoza ndi ŵaheni, pamoza ndi ŵakuchita mphurupuru ŵakukamba chimangu ndi ŵanasi ŵawo, penipo kutinkha kwe mu mitima yawo.

Danyele 4:1

Karonga Nebukadanezara ku ŵanthu, mitundu, ndi makambidu; ŵakuja mu charu chose chapasi; Chimangu chandaniskike kwaku imwe!

Nthanthi 3:25

Ungopanga kofya kwa mabuchibuchi pamwenga phasulu la muheni yo lichiza;

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

ŴaGalatia 6:16

Ndipo paku wose wo ŵamkwende mu karusu kenaka, chimangu chiŵiye paku wo, ndi lisungu, ndi paku Yisraele yo waku Chiuta.

Luka 10:5

Ndipo mu nyumba yose mwenimo mungasere, nenani danga, ‘Chimangu ku nyumba yeniyi!’

Zekariya 6:13

Ndiyo wakazenganga kasopi wa Ambuya, wakaŵanga ndi chitumbiku cha ufumu, ndipo wajenge ndi kuwusa pa chitengo chake cha ufumu. Ndipo pakaŵanga mzukuru pafupi ndi chitengo cha ufumu wake, ndipo chimangu, ndi chinjeru vikaŵanga pakati paku wose ŵaŵi.” ’

Yesaya 57:19

Chimangu, chimangu kutali ndipafupi, atiti Ambuya; inya ndikamuchizganga.

Sumu 72:7

Urunji usapatiye mu mazuŵa ghose gha umoyo wake, ndipo usakati ulutiriye pose po mwezi uŵaliya.

ŴaKolose 1:2

ku ŵabali ŵakupaturika ndi ŵakuvwana mwaku Kristu, ŵamu Kolose. Wezi kwaku imwe ndi chimangu kwaku Chiuta Auskefwe.

Luka 12:4

“Ndipo ndikuneniyani mwa ŵabali ŵangu, mungopanga cha ŵakubaya liŵavu, ndipo pavuli pake mbakuŵavi kanyake kakuruska kwachichita.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Danyele 6:25

Ndipo karonga Dariusi wangulemba ku ŵanthu wose, mitundu ya ŵanthu, ndi makambidu, ŵakuja mu charu chose: “Chimangu chandaniskike kwaku imwe.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Sumu 11:1

Mwaku Chiuta ndidingang'a; undineniyenge uli iwe kuti, “Thaŵiya ku mapiri nge nchiyuni.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

Chitenje 3:17

Mzimu wangu wauravi chimangu, ndaruwa kuti kukondwa kwe uli;

Sumu 72:2

alinga kuti weruzgenge ŵanthu ŵinu mu uneneska, ndi kuwunganiska ŵasauchi mu urunji.

2 Mikoka 20:30

Viyo ufumu wa karonga Yehosafati wenga bata, chifukwa Chiuta wake wangumpaska chipumulu kwakuzunguriya.