Yohane 14:26 - Tonga Bible 1986

²⁶ Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

Yohane 14:26 Referans Kwoze

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;

Yohane 14:16

Ndipo ine ndikarombanga ku Dada, ndipo wamkukupaskani Nkhoswe yinyake, kuti yiŵe pamoza namwe muyaya.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

Yohane 16:7

Nakweni naku ndikuneniyani uneneska, nkhwamampha kwaku imwe kuti ine ndirute: chifukwa asani ndiruta nkhamutumanga kwaku imwe.

1 Yohane 2:20

Ndipo imwe mwe ndi chitukutizga chakutuliya ku Wakupaturika yo, ndipo muziŵa vyose.

1 ŴaKorinte 6:19

Pamwenga mureka kuziŵa kumbi kuti liŵavu linu ndi kasopi wa Mzimu Wakupaturika wakuŵa mukati mwinu, yo mwe nayo kutuwa kwaku Chiuta? Ndipo kuti mwe waku mwaŵeni cha;

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

ŴaEfeso 1:17

kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo,

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

Machitidu gha Ŵakutumika 2:4

Ndipo ŵanguzazika wose ndi Mzimu Wakupaturika, ndi ŵangwamba kurongoro ndi malilime ghamwenga, uli ndimo Mzimu waŵapaskiyanga kwachirongoro.

Yohane 2:22

Viyo penipo wanguyuskika ku ŵakufwa ŵasambizi ŵake ŵangukumbuka kuti wangukamba chenichi; ndipo ŵanguvwana mu lembo lo, ndi mu mazu gho Yesu wangukamba.

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Machitidu gha Ŵakutumika 13:2

Ndipo ŵachiteŵete iwo Ambuya, ndi kufunga, Mzimu Wakupaturika wanguti, “Ndipatuliyeni Barnaba ndi Saulo ku mlimu wo ndaŵadaniya.”

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.

1 Yohane 5:7

Ndipo Mzimu yo ndiyo wasimikizga, pakuti Mzimu yo ndiyo Uneneska wo.

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

Luka 24:49

Ndipo awonani, ine nditumiya paku imwe phanganu la Ada: kweni tandarani imwe mu msumba, mpaka mufukika ndi nthazi yakutuliya kuchanya.”

Yuda 1:20

Kweni imwe, mwaŵakwanjiwa, pakujizenge pa chivwanu chinu chakupaturika kwakuruska, ndi pakurombe mu Mzimu ŵakupaturika,

ŴaHebere 9:8

Mzimu Wakupaturika nayo wakusimikizga chenichi, chakuti nthowa ya ku malo ghakupaturika yindarongoleke, cheche kuma chihema chakudanga oho,

ŴaHebere 3:7

Viyo na, uli ndimo wanene Mzimu Wakupaturika, “Le asani muvwenge liu lake,

2 ŴaKorinte 13:14

Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.

1 ŴaKorinte 12:3

Chakumziŵiskani nchakuti palive yumoza, wakukambiya mu Mzimu waku Chiuta, yo watiti, “Yesu ngwakutembeka”; ndipo palive yumoza waziŵa kukamba kuti, “Yesu ndi Mbuya,” kweni mu Mzimu Wakupaturika.

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.

Luka 11:13

Viyo asani imwe, mwaŵakuŵa ŵaheni, muziŵa kupaska mipasku yamampha ku ŵana ŵinu, uli ukongwaku Ada wo ŵakuchanya ŵapaskenge Mzimu Wakupaturika ku ŵakuŵapempha?”

Sumu 51:11

Rekani kunditaya kutali; kundituzga pa maso pinu, ndipo mureke kutuzgako kwangu mzimu winu wakupaturika.

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

Luka 1:41

Ndipo kunguŵa, po wanguvwa Elizabeti yo tauzgo laku Mariya, kana kangutundumuka mu chibali chake; ndipo wanguzizika Elizabeti ndi Mzimu Wakupaturika;

Mateyu 3:11

“Ine nadi ndikubatizani ndi maji ku ching'anamuka: kweni yo watuza pavulipangu ngwanthazi ndi ine, viyatu vyaku mweniyo kuti nde wakwenere cha ine kufwatuwa. Iyo wamkukubatizani ndi Mzimu Wakupaturika ndi moto.

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.

2 Timote 1:14

Chakuzgika cheneko cho sungirizgiya mu Mzimu Wakupaturika mweniyo waja mwaku ifwe.

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Machitidu gha Ŵakutumika 11:16

Ndipo ndingukumbuka kakambidu ka Ambuya, po ŵangunene, ‘Yohane nadi wangubatiza ndi maji, kweni imwe mwambatizika ndi Mzimu Wakupaturika.’

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Yohane 20:22

Ndipo wati wakamba ichi, wanguŵauziriya wanguti kwaku wo, “Rondeni Mzimu Wakupaturika.

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

Marko 13:11

Ndipo penipo ŵamkukugumizgani kwachikukomboni, mungakweŵekanga ndi cho mwamurongoro cha: kweni chose cho chingapskika kwaku imwe mu ora leniliya, chenicho rongoroni. Chifukwa kuti ndimwe cha mwamurongoro, kweni Mzimu Wakupaturika ndiyo.

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

ŴaHebere 10:15

Ndipo watisimikizgiya Mzimu Wakupaturika nayo, pakuti pavuli pa kukamba,

Yohane 12:16

Ŵasambizi ŵake ŵengavi kuwamo ichi pa mtendeku; kweni penipo Yesu wangukankhuskika sono Wangukumbuka kuti ivi vingulembeke iyo, ndi kuti ŵangumchitiya iyo vyenivi.

Marko 12:36

Davidi iyo wangunena pakututuzgika ndi Mzimu Wakupaturika, ‘Ambuya ŵangunene Ambuyangu, uje ku marghe ghangu, mpaka po ndaŵika ŵarwani ŵanu pasi pa marundi ghinu.’

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

ŴaEfeso 1:13

ndipo kuŵenge viyo kwaku imwe: penipo munguvwa evangeli wa uneneska, uthenga wamampha wo ungumziyani ndi utaski, mungugomezga mwaku Kristu, ndipo Chiuta wangumudindane ndi chidindu chake chamzimu pakumpaskani Mzimu Wakupaturika wo wangupangana,

2 ŴaKorinte 6:6

mu ukhovu, mu mziŵiru, mu chilekerezga, mu ulemu mu Mzimu Wakupaturika, mu chanju chakuwura-ufyali,

Machitidu gha Ŵakutumika 20:35

Mwaku vyose ndakurongoni, kuti mwaŵakutakatakiya viyo mutenere kuwovya ŵakutomboroka, ndi kukumbuka so mazu gha Ambuya Yesu, po wanguti iyo, ‘Nkhwamwaŵi kupaska kwakuruska kuronde.’ ”

Machitidu gha Ŵakutumika 15:8

Ndipo Chiuta, mziŵamtima, wanguŵasimikizgiya pakuŵapaska Mzimu Wakupaturika, uli nkhwaku ifwe;

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

Machitidu gha Ŵakutumika 1:4

Ndipo, pakuwungana pamoza nawo, wanguŵalanguliya kuti ŵareke kutuwako ku Yerusalemu, kweni kuti ŵalindizge phanganu lo la Dada, lenilo, wanguti, “Munguvwa kwaku ine,

Machitidu gha Ŵakutumika 1:2

mpaka ku zuŵa lo wangurondeke kuchanya, wati waŵalanguliya mu Mzimu Wakupaturika ŵakutumika ŵeniwo wangusankha.

Yohane 7:39

Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Luka 1:67

Ndipo Zekariya awiske wanguzazika ndi Mzimu Wakupaturika, ndi wanguchima, wakuti,

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Machitidu gha Ŵakutumika 28:25

Ndipo pakureka iwo kuzomerezgana, ŵanguruta, Paulo wanguti waŵakambiya mazu ghamoza, “Mzimu Wakupaturika wanguŵakambiya umampha auskemwe mwaku Yesaya, Mchimi yo,

Machitidu gha Ŵakutumika 16:6

Ndipo ŵangudumuwa mu charu cha Frugia ndi Galatia, pakukanizgika ndi Mzimu Wakupaturika kukamba mazu mu Asia;

Machitidu gha Ŵakutumika 15:28

Chifukwa kunguoneke umampha ku Mzimu Wakupaturika, ndi kwaku ifwe, kukunyekezgani chizitu chinyake chakuruska cha, kweni vyenivyo vyakukhumbikwa pe,

Machitidu gha Ŵakutumika 13:4

Viyo iwo, pakutumika ndi Mzimu Wakupaturika iyo, ŵangusikiya ku Selukia; kutuwa kweniko nako ŵangulowoke ku Kupro.

Machitidu gha Ŵakutumika 7:55

ndipo ŵamkekechuliyanga minyu. Kweni iyo, pakuzazika Mzimu Wakupaturika wachilereska kuchanya, wanguwona unkhankhu waku Chiuta, ndi Yesu wakuma ku marghe ghaku Chiuta,

Machitidu gha Ŵakutumika 5:3

Kweni Petro wanguti, “Hananiya, chifukwa chine Satana wazaza mtima wako kuti upusike iwe Mzimu Wakupaturika ndi kuti ujibisiye cha ku mtengu wa charu cho?

Luka 2:25

Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Mateyu 1:18

Kweni kawidu kaku Yesu Kristu kenga viyo. Nyina wake Mariya wati wajaririka ndi Yosefe, ŵandafikane iwo, wangusanirika ndi nthumbo kutuwa ku Mzimu Wakupaturika.

Yohane 1:33

Ine nane kuti ndingumziŵa cha: kweni yo wangudituma kwachibatiza ndi maji, ndiyo wangundinene, ‘Paku mweniyo ungawona Mzimu kusoromoka ndi kuja pake, mweniyo ndiyo wabatiza ndi Mzimu Wakupaturika.’

Yohane 14:25

“Vyenivi ndakukambiyani, po ndeche pamoza namwe.