Yohane 14:21 - Tonga Bible 1986

²¹ Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 14:21 Referans Kwoze

Yohane 14:15

“Asani mutindanja, musungenge marangu ghangu.

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

1 Yohane 2:5

kweni mweniyo yose wasunga mazu ghake, nadidi mwaku iyo chanju chaku Chiuta chifiskika. Mwaku chenichi tiziŵiska kuti te mwaku iyo;

2 Yohane 1:6

Ndipo chenichi nchanju cho kuti tende kwakuyana ndi marangu ghake. Lenili ndi dangu lo uli ndimo mwavwiya kutuwa ku mtendeku, kuti mwende mwaku lo.

Marangu 11:13

“Asani muvwiyenge marangu ghangu gho ndimulanguliyani zuŵa lino, kwanja Ambuya Chiuta winu ndi kumuteŵete ndi mtima winu wose, ndi umoyo winu wose,

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Yohane 15:14

Imwe mwe ŵabwezi ŵangu, asani muchita vyenivyo ine ndikulanguliyani.

Chivumbuzi 3:20

Awona, ndama pa khomu ndipo ndigong'oska: asani munthu watuvwa mazu ghangu, ndi wajura ku khomu, ndiserenge kwaku iyo, ndirghenge pamoza nayo, ndi iyo pamoza nane.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Sumu 35:27

Ŵakambure ndi chimwemwe ndipo ŵakondwe wo ŵanweke urunji paku ine, nyengo yose watinge, “Mbakuru Ambuya, wo akankhaŵiya muchimangu cha mteŵeti wawo!”

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

Yeremiya 31:31

“Ehe, mazuŵa ghakazanga atiti Ambuya, penipo ndazamuchita phanganu lifya ndi nyumba yaku Yisraele ndi nyumba yaku Yuda,

Yohane 16:14

Iyo wazamkankhuska ine: pakuti watongeko vyangu, ndipo wamkuvivumbiliya kwaku imwe.

Yohane 14:18

“Kuti ndimusiyeninge mwija cha: ndikazanga kwaku imwe.

2 Timote 4:22

Mbuya waŵe ndi mzimu wako Wezi uŵe namwe.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Machitidu gha Ŵakutumika 22:18

ndipo ndingumuwona iyo wakukamba nane, ‘Tinthimika, ndi tuwako ruŵi ku Yerusalemu: chifukwa kuti ŵazamronde ukaboni wako wapaku ine cha.’

2 ŴaKorinte 12:8

Pa chifukwa chaku chenichi ndinguŵeyere Ambuya katatu, kuti ŵatuweko kwangu.

Chituwa 33:18

Mosese wanguti, “Nditukupemphani ndirongoni unkhankhu winu.”

Marangu 7:13

Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.