Yohane 14:19 - Tonga Bible 1986

¹⁹ Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

Yohane 14:19 Referans Kwoze

Yohane 16:16

“Kanyengo kamanavi kuti mundiwonenge so cha; ndipo so pavuli pa kanyengo kamanavi ndipo mwazamkundiwona.”

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Yohane 7:33

Yesu wanguti, “Nyengo yimanavi ndeche namwe pamoza, ndipo ndiruta kwaku yo Wakundituma.

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

1 ŴaKorinte 15:45

Viyo so kwalembeka, “Munthu wakudanga yo Adamu, wanguŵa mzimu wakututa”; Adamu wakumariya yo wanguŵa mzimu wakupaska umoyo.

Yohane 16:22

Namwe so viyo mwe ndi chisungu sono: kweni ndazamkukuwonani so, ndipo mitima winu wazamkondwa, chimwemwe chinu pazamuuravi yumoza wazamtuzgapo kwaku imwe.

ŴaRoma 8:34

Kristu Yesu ndiyo wangufwa, inya, ndiyo wanguyuskika ku ŵakufwa mweniyo we ku marghe ghaku Chiuta, mweniyo nayo waninizikiya pa chifukwa chidu.

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

1 ŴaKorinte 15:20

Kweni sono wayuskika Kristu ku ŵakufwa, mruwuku waku wo mbakura.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 13:33

Mwatwana mwe, kanyengo kamanavi ndeche namwe pamoza. Mundilembenge; ndipo nge ndimo ndiguŵanene ŵaYuda, viyo sono nako ndinene imwe, ‘Kweniko ine nditiya kuti muziŵa kuzako imwe cha’

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Yohane 8:21

Wanguŵanene so, “Ine ndiruta, ndipo mundilembenge, mufwenge mu ulakwi winu: kweniko ndita, kuti muziŵa kuzako imwe cha.”

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Machitidu gha Ŵakutumika 10:41

ku khamu lo lose cha, kweni ku ŵakaboni ŵakusankhikiya limu ndi Chiuta, nadi kwaku ifwe taŵenifwe tingurgha ndi tingumwa pamoza nayo, wanguti wayuka iyo ku ŵakufwa.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.