Yohane 14:17 - Tonga Bible 1986

¹⁷ Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Yohane 14:17 Referans Kwoze

Ezekiele 36:27

Ndiŵikenge mzimu wangu mukati mwinu, ndi kumwendeskani mu virunguchizgu vyangu ndi kuti muphwerenge kusunga malangulu ghangu.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

1 ŴaKorinte 3:16

Asi muziŵa kuti mwe kasopi waku Chiuta, ndikuti Mzimu waku Chiuta uja mwainu?

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

1 ŴaKorinte 6:19

Pamwenga mureka kuziŵa kumbi kuti liŵavu linu ndi kasopi wa Mzimu Wakupaturika wakuŵa mukati mwinu, yo mwe nayo kutuwa kwaku Chiuta? Ndipo kuti mwe waku mwaŵeni cha;

2 Timote 1:14

Chakuzgika cheneko cho sungirizgiya mu Mzimu Wakupaturika mweniyo waja mwaku ifwe.

Yohane 14:16

Ndipo ine ndikarombanga ku Dada, ndipo wamkukupaskani Nkhoswe yinyake, kuti yiŵe pamoza namwe muyaya.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaGalatia 4:6

Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!”

2 ŴaKorinte 13:5

Mujese, vinu mwe ŵakukoleze chivwanu cho mujirozge mwaŵeni. Pamwenga kumbi mureka kujiziŵiya, kuti Yesu Kristu we mwinu? Vinu kokuli mwe ŵakupatika.

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

ŴaEfeso 2:22

mwaku mweniyo imwe namwe muzengeka pamoza kuŵa chakujamo chaku Chiuta mu Mzimu.

Mateyu 10:20

Chifukwa kuti ndimwe cha mwamurongoro, kweni Mzimu wa Auskemwe ndiyo wamrongorore mwinu.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Yesaya 59:21

“Kweni nge nkhwaku ine, ili ndi phanganu langu ndi iwo, atiti Ambuya: mzimu wangu wo we paku iwe, ndi mazu ghangu gho ndaŵika mu mlomo wako, kuti ghakatuwangamo cha mu mlomo wako, pamwenga kutuwamo mu mlomo wa ŵana ŵako, pamwenga mu mlomo wa ŵana ŵa ŵana ŵako, atiti Ambuya, kwamba kunu ku sono, kurutiliya ku nthazi ndi mpaka ku muyaya.”

Nthanthi 14:10

Mtima uziŵa kuŵaŵa kwa weneko, ndipo palivi mlendo wasangana nawo likondwa lake.

1 Yohane 5:7

Ndipo Mzimu yo ndiyo wasimikizga, pakuti Mzimu yo ndiyo Uneneska wo.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

1 ŴaKorinte 14:15

Viyo kwati? Ndirombenge ndimzimu, ndipo ndirombenge ndi vinjeru so: ndimbenge ndi mzimu, ndipo ndimbenge ndi vinjeru navyo.

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”