Yohane 13:5 - Tonga Bible 1986

⁵ Pavuli wangupunguliya maji mu mbale, sono wangwamba kusambiska marundi gha ŵasambizi, ndi kughaleska ndi chileskeru cho wangujichinyiya nacho.

Yohane 13:5 Referans Kwoze

Luka 7:44

Ndipo pakung'anamukiya ku munthukazi yo, wanguti kwaku Simoni, “Kumbi umwona munthukazi uyu? Ndinguza munyumba yako, maji gha pa marundi ghangu kuti ungundipaska cha: kweni iyo ndi masozi wazumbwiska marundi ghangu, ndipo ndi sisi la mutu wake waghaleska.

Sumu 51:2

Mundisuke ku kubende kwangu, ndipo mundiphoto ku kwananga kwangu.

Chiyambo 19:2

ndi wanguti, “Mwambuya nditukupemphani, patukiyani ku nyumba ya muŵanda winu, mujeku ndi usiku, ndi musambe mu marundi ghinu; pavuli muyuke ndi mlenjelenji ndi kusere ku nthowa mwaŵeni.” Iwo ŵanguti, “Awa, ticherezgenge mu museu.”

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

Chiyambo 18:4

Ghatoleke maji ghamanavi, ndi musambe marundi ghinu, ndipo mupumuwe mu sina mwa muti uwu,

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

ŴaEfeso 5:26

alinga kuti walipatuliske, wati walitozge mu chibatizo ndi mazu,

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Machitidu gha Ŵakutumika 22:16

Ndipo sono usweriyanji? Soka, ubatizike, ndi usambe vilakwa vyako, wakudaniya pa zina lake.’

2 ŴaKaronga 3:11

Ndipo Yehosafati wanguti, “Kumbi palivi mchimi wa Ambuya pano, mwaku mweniyo tingafumbiya ku Ambuya?” Sono yumoza wa ŵateŵeti ŵa karonga waku Yisraele wangwamuka, “Elisha mwana waku Shafati we pano, mweniyo wangudira maji mu manja ghaku Eliya.”

1 Samuele 25:41

Wangusoka wangukotama chisku chake pasi, ndipo wanguti, “Awonani, ndamteŵeti munthukazi winu nde wanchitu wa mbuyangu.”

ŴaLevi 14:8

Ndipo wakutozgeka yo wasuke saru zake, ndi kusenga sisi lake lose; ndi kusamba mu maji; ndipo wakatozgekanga; pavuli wasere, mu ugoŵi, kweni wakajanga kubwalo kwa hema lake mazuŵa ghankhonde ndi ghaŵi.

1 Yohane 5:6

Mwenuyu ndiyo wanguziya mu maji ndi ndopa, Yesu Kristu; mu maji gho pe cha, kweni mu maji gho ndi mu ndopa zo.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

Yohane 19:34

Kweni yumoza wa wankhondu wo wangugwaza mbaghara yake ndi mkondu, ndipo sosonukweni kungutuwa ndopa ndi maji.

Luka 7:38

wakuma kuvuli ku marundi ghake, wakuliya, wangwanda kuzumbwiska marundi ghake ndi masozi, ndi waghaleskanga ndi sisi la mutu wake, ndipo wafyofyonthanga marundi ghake, ndi waghatukutizganga ndi muro.

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Yesaya 1:16

Musambe; mujiphoto; tuzgani uheni wa machitidu ghinu pa maso pangu; rekani kuchita uheni,

Chituwa 29:4

Mukazanga ndi Aroni ndi ŵana ŵake ŵanthurumi ku khomo la hema lakuwunganamo, ndi kuŵasambika ndi maji.

Yohane 13:10

Wamnene Yesu, “Wakusamba kuti wakavuka kubira liŵavu lose cha, kweni kusamba marundi pe mbwenu ngwakuphotoka kosekose: imwe mwe ŵakuphotoka, kweni mose cha.”

Yohane 13:8

Petro wamnene, “Kuti mukasambiskanga marundi ghangu cha muyaya.” Wangumwamuka Yesu, “Asani ndireka kukusambiska, kuti we ndi chigaŵa pamoza nane cha.”

Chiyambo 43:24

ndipo penipo yuwa munthu wanguŵaserezga mu nyumba yaku Yosefe ndi wanguŵapaska maji ndi ŵangusamba mu marundi ghawo, ndipo wanguti wapaska gaga ku mbunda zawo,

Ŵeruzgi 19:21

Viyo wangumutole mu nyumba yake, ndipo mbunda wanguzipaska kurgha; ŵangusamba marundi ghawo, ŵangurgha ndi kumwa.

Yohane 13:6

Watuza kwaku Simoni Petro, wamnene, “Ambuya, kumbi imwe musambiska marundi ghangu?”