Yohane 13:27 - Tonga Bible 1986

²⁷ Ndipo pavuli pa chinkhombe cho Satana wangusere mwaku iyo. Yesu wamnene, “Cho uchita chitanga ruŵi.”

Yohane 13:27 Referans Kwoze

Luka 22:3

Ndipo Satana wangusere mwaku Yuda, wakutamulika mKeriote, wakuŵa mu kupendeka kwa chumi ndi ŵaŵi wo.

Yohane 13:2

Ndipo wachoneska diabolo yo wati waŵikamo kali mu mtima waku Yuda mKeriote, mwana waku Simoni, kuti wampachiye.

Machitidu gha Ŵakutumika 5:3

Kweni Petro wanguti, “Hananiya, chifukwa chine Satana wazaza mtima wako kuti upusike iwe Mzimu Wakupaturika ndi kuti ujibisiye cha ku mtengu wa charu cho?

Mateyu 12:45

Sono uruta ndi utole pamoza nawo mizimu yinkhonde ndi yiŵi yinyake yiheni ku kwakuruska iwo, ndipo yiseremo yijaririya mwenimo: ndipo vyaumari vya munthu yuwa vituŵa viheniku ku vyakudanga vyo. Viyo ndimu so kuŵiyenge ku mgonezi uheni uwu.”

Wakutaula 9:3

Ichi nchawuyu mwaku vyose vyo vichitika panu pasi, kuti chinthu chimoza chifikiya kwaku wose; ndipo so mitima ya ŵanthu yazaza ukazuzi, kufuntha kwemu mitima yawo po ŵeche ndi umoyo, ndipo, pavuli ŵaruta ku ŵakufwa.

Nthanthi 1:16

pakuti marundi ghawo ghachimbiriya ku uheni, ndipo ŵatinthimikiya kwachidira ndopa.

Danyele 2:15

Wanguti kwaku Arioki, nduna ya karonga, “Chifukwa nchine dangu la karonga ndakofya viyo?” Arioki wanguŵangwanduliya Danyele makani yagha.

Marko 6:25

Ndipo wangusere kwakutinthimika ku karonga, wangumpempha wakuti, “Ndikhumba kuti mundipaske ruŵi pa mbale iyi mutu waku Yohane Mbatizi.”

Sumu 109:6

Tondoni munthu wankhaza weruzgi wakupindikana wangu, zomerani kuti yumoza wa ŵarwani ŵake ndiyo wamulange.

1 ŴaKaronga 18:27

Ndipo pa msana pakati Eliya wanguŵaseka, wanguti, “Bongoninga ukongwa, pakuti ndi chiuta; akhumba waghanaghana, pamwenga waya kunyake, pamwenga wepa ulendo, pamwenga ankhumba wagona, iko watenere kumuyuska.”

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Yohane 6:70

Wanguwamuka Yesu, “Asi ine ndakusankhani mwachumi ndi ŵaŵi, ndipo mwaku imwe yumoza ndi diabolo?”

Yohane 13:28

Kweni pengavi yumoza wakuyegeme pa gome wanguziŵa chifukwa chakumnene ichi.