Yohane 12:42 - Tonga Bible 1986

⁴² Ndikweni chingana ndimu ŵara ŵanandi ŵanguvwana mwaku iyo; kweni chifukwa chakopa ŵaFarisi wo reka ŵatondekanga kumzomera pakweru vinu wangasezgeka ku sinagoge:

Yohane 12:42 Referans Kwoze

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Yohane 9:22

Wapapi ŵake ŵakambanga ivi pakuti wopanga ŵaYuda: chifukwa ŵangupangana kali ŵaYuda, kuti asani yumoza wangamzomerezga kuŵa Kristu, wasezgekenge mu sinagoge.

Yohane 7:13

Ndikweni pengavi yumoza warongororenga pakweru gha paku iyo, chifukwa cha kopa ŵaYuda.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Mateyu 10:32

“Viyo yose yo wakazomeranga ine paurongo pa ŵanthu, nane so ndakumzomera paurongo pa Ada wo ŵakuchanya.

1 Yohane 4:15

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

1 Yohane 4:2

Mwaku chenichi muziŵa Mzimu waku Chiuta: mzimu we wose wakuzomera kuti Yesu Kristu waziya mu liŵavu, ngwakutuliya kwaku Chiuta:

ŴaRoma 10:10

pakuti ndi mtima munthu wavwaniya ku urunji; ndipo ndi mlomo wazomera ku utaski.

Machitidu gha Ŵakutumika 5:41

Viyo iwo ŵangutuwa ku upu wo, ŵakukondwere pakuti ŵangupima kuti ŵenga ŵakwenere kukomwa ndi kurengeskeka chifukwa cha zina lo.

Yohane 19:38

Ndipo pavuli paku ivi Yosefe waku Arimataya, msambizi waku Yesu, kweni waku ubende chifukwa cha kopa ŵaYuda, wangumpempha Pilato, kuti watuzgepo thupi laku Yesu: Pilato wanguzomerezga. Viyo wanguza, wangutuzga thupi lake.

Yohane 16:2

Wamkukusezgani ku masinagoge: inya, lituza ora, la kuti yose wakukubayani imwe wapimenge kuti wateŵete Chiuta.

Yohane 12:11

pakuti ŵanandi ŵa ŵaYuda pa chifwa chake ŵarutanga ndi Wavwananga mwaku Yesu.

Yohane 11:45

Viyo ŵanandi ŵa ŵaYuda wo ŵanguza kwaku Mariya, wo ŵanguwona cho Yesu wanguchita, wanguvwana mwake.

Yohane 9:34

Wangumwamuka, “Iwe ungupapika mu vilakwa kosekose, ndipo kumbi usambizga ifwe?” Ndipo ŵangumdikiya kubwaro.

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Luka 12:8

“Ndipo ndikuneniyani, yose yo wangazomera ine paurongo pa ŵanthu, Mwana wa munthu nayo wamzomerenge iyo paurongo pa ŵangelo ŵaku Chiuta;

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Yeremiya 38:19

Karonga Zedekiya wanguti kwaku Yeremiya, “Nditopa ŵaYuda ŵeniwo ŵakuthaŵiya ku ŵaKaldiya, vinu ndingaperekeka kwaku wo ndipo ŵanditozenge.”

Luka 23:13

Ndipo Pilato wangudaniya pamoza ŵazukuru ŵara ndi ŵara ndi khamu lo,

Yohane 7:31

Kweni ŵanandi ŵamu mzinda wo wanguvwana mwake, ndipo watinge, “Penipo wazenge Kristu yo, kumbi wazamchita visimikizgu vinandi kwakuzungura vyo wachita mwenuyu?”