Yohane 12:27 - Tonga Bible 1986

²⁷ “Sono usuzgika mzimu wangu; ndipo ndikambengenji? ‘Ada, nditaskeni ku ora lenili?’ Awa pakuti pa chifwa chenichi ndikuziya ku ora lenili.

Yohane 12:27 Referans Kwoze

Yohane 12:23

Ndipo Yesu wanguŵamuka, “Ora lo laza, lakuti wakankhuskike Mwana wa munthu.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

Yohane 13:21

Wati wakamba vyenivi Yesu, wangwenjezgeka mu mzimu, ndipo wangusimikizga, wanguti, “Nadidi, ndikuneneskiyani, kuti yumoza wamwaku imwe wandipachiyenge.”

Mateyu 26:42

Kachiŵi wanguruta ndipo wanguromba, wakuti, “Ada, asani mukhumba, mutuzgeko kwangu nkhombo iyi, khumbo langu cha, kweni khumbo linu lichitike.”

Yesaya 38:15

Kweni ndingakambanje? Pakuti akamba kwaku ine, ndipo iwo ŵeneko achichita. Tulo twangu tose twambininika, chifukwa cha kuŵaŵa kwa mzimu wangu.

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Luka 22:53

Ndenga ndeche pamoza namwe zuŵa ndi zuŵa mu kasopi yo, kuti mungutambaruliya manja pangu cha; kweni lenili ndi ora linu, ndi mtufu wa mdima.”

Sumu 88:3

chifukwa visuzgu vinandi vyandiwiya ndipo nde pafupi ndi nyifwa.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Sumu 6:3

Mzimu wangu nawo utenthema ukongwa. Kweni imwe, Abuya, mpaka zuŵanji?

Mateyu 11:26

Inya, Ada, pakuti viyo ndimu kunguwoneke umampha mu maso ghinu.

Mateyu 26:45

Sono watuza ku wasambizi wo, ndipo waŵanene, “Kumbi mweche kura, ndi kujipumuzga? Onani, ora laŵandika, ndipo Mwana wa munthu wapachirika mu manja gha ŵakulakwa.