Yohane 12:26 - Tonga Bible 1986

²⁶ asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 12:26 Referans Kwoze

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.

ŴaKolose 3:24

pakuziŵa kuti ku Mbuya mwamuronde mphoto yinu ya chihara cho: muteŵete Ambuya Kristu.

ŴaRoma 1:1

Kalata wakutuwa kwaku Paulo, mteŵeti waku Yesu Kristu, wakutumika wakusankhika ndi wakudanika ndi Chiuta kwachisambizga uthenga wamampha waku Chiuta:

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

2 ŴaKorinte 5:8

Kweni tikwimadi mtima ndipo ukongwako tinweka kutuwamo mu liŵavu ili ndi kwachija ndi Ambuya.

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

2 ŴaKorinte 4:5

Chifukwa vyo titaula kuti vyaku taŵeni cha, kweni Kristu Yesu nge ndi Mbuya, ndi taŵeni ulaka mbateŵeti ŵinu pa chifwa chaku Yesu.

ŴaRoma 14:18

Chifukwa yo wateŵete Kristu mwaku vyenivyo, ngwakukondweska Chiuta, ndi ngwakurumbika ndi ŵanthu.

Yohane 15:20

Kumbukani, mazu gho ndingukuneniyani, ‘Muŵanda kuti ndi muraku ku mbuyake cha.’ Asani ŵanguŵemba ine, imwe namwe ŵamkukuŵembani, asani ŵangusunga mazu ghangu, ghinu nagho ŵamsunga.

Luka 6:46

“Ndipo uli mutinditamula, ‘Ambuya, Ambuya,’ ndi mureka kuchita vyo ndinena?

Nthanthi 27:18

Mweniyo waphwere chimuti cha mukuyu wakarghanga chipasi chake, ndipo mweniyo wavikiriya mbuyake wakatumbikikanga.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Yohane 13:16

Nadidi ndikuneneskiyani, Muŵanda kuti ndi mraku ku Mbuyake cha; chingana ndi nthumi kuti njiraku ku wakuyituma cha.

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Maŵerengedu 14:24

Kweni mteŵeti wangu Kalebe, chifukwa wendi mzimu unyake ndipo wandilondo ine kwakufikapo, iyo nkhamutoliyanga mu charu cho wanguyamo, ndipo mphapu yake yikachiharanga.

Chivumbuzi 14:4

Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

ŴaKolose 4:12

Wakutauzgani Epafra, yumoza namwe, muŵanda waku Kristu Yesu, wakurimbarimba mu marombu ghake nyengo zose chifukwa chaku imwe, kuti muŵe ŵakufiskika ndi ŵakukhozgeka mu khumbo lose laku Chiuta.

Yohane 21:22

Yesu wangunena nayo, “Asani ndingakhumba kuti waje ndi umoyo mpaka po ine nthuza, nchine kwaku iwe? Iwe, rondo ine.”

Yohane 14:15

“Asani mutindanja, musungenge marangu ghangu.

Marko 8:34

Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Maŵerengedu 32:11

‘Kwakuneneska palivi nanga njumoza wa ŵanthu wo ŵakutuwa mu Egipiti, kutuliya pa ŵamoyo ŵavirimika machumi ghaŵi ndi kuruska po, ŵakachiwonanga charu cho ndingurapiya kumupaska Abrahamu, Yisaki ndi Yakobe, chifukwa kuti ŵandirondo ine ndi mtima wose cha;

Luka 12:37

Mbamwaŵi ŵaŵanda yaŵa ŵeniwo mbuya yo, wakuti waza, waŵasaniyenge mbakukhazga; nadidi ndikuneniyani, kuti wajichinyiyenge ndi waŵajarikenge pa kurgha, ndi wazamkuŵamiriya.