Yohane 12:23 - Tonga Bible 1986

²³ Ndipo Yesu wanguŵamuka, “Ora lo laza, lakuti wakankhuskike Mwana wa munthu.

Yohane 12:23 Referans Kwoze

Yesaya 60:9

Pakuti vyaru vyamu malikumba vikandilindizganga, ngaraŵa zaku Tarshishi ndizo zikadanganga, kuza ndi ŵana ŵako ŵanthurumi kutuwa kutali, ŵakupinga siliva ndi golide wawo pamoza nawo, kupingiya zina la Ambuya Chiuta winu, ndi chifukwa cha Mtuŵa Yumoza waku Yisraele, chifukwa wamukankhuskani imwe.

Marko 14:41

Ndipo watuza kachitatu, ndipo watiti, kwaku wo, “Kumbi mweche kura kuti mujipumuzge? Mbwenu sono, ora lo laza; Mwana wa munthu wapachirikiya mu manja gha ŵalakwi,

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Yohane 12:16

Ŵasambizi ŵake ŵengavi kuwamo ichi pa mtendeku; kweni penipo Yesu wangukankhuskika sono Wangukumbuka kuti ivi vingulembeke iyo, ndi kuti ŵangumchitiya iyo vyenivi.

Mateyu 26:45

Sono watuza ku wasambizi wo, ndipo waŵanene, “Kumbi mweche kura, ndi kujipumuzga? Onani, ora laŵandika, ndipo Mwana wa munthu wapachirika mu manja gha ŵakulakwa.

Marko 14:35

Ndipo wangurutiriya kamanavi, wanguwa pasi, ndipo wanguromba wakuti, asani kungachitika, ora lo limurutiiriye.

Yohane 7:39

Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

Yohane 12:27

“Sono usuzgika mzimu wangu; ndipo ndikambengenji? ‘Ada, nditaskeni ku ora lenili?’ Awa pakuti pa chifwa chenichi ndikuziya ku ora lenili.

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.