Yohane 11:1 - Tonga Bible 1986

¹ Kwenga murwali yumoza, Lazaro waku Betaniya, ku muzi waku Mariya ndi Marta, mkuwake.

Yohane 11:1 Referans Kwoze

Yohane 12:17

Viyo wasimikizganga mzinda wo wenga pamoza nayo, wachidana Lazaro ku muunda, ndi kumyuska ku ŵakufwa.

Yohane 12:9

Viyo urapasi wa ŵaYuda po ŵanguvwa kuti wenga kweniko: ŵanguza, pa chifwa chaku Yesu pe cha, kweni so kuti ŵakamuwone Lazaro, yo wanguyuska ku ŵakufwa.

Yohane 11:11

Vyenivi wangukamba: ndipo pavuli watiti kwaku wo, “Lazaro, bwezi lidu, wara tulo; sono ndiruta alinga kuti ndikamuyuske ku tulo.”

Mateyu 21:17

Ndipo wanguŵasiya wangutuwa ku msumba, wanguruta ku Betaniya, ndipo wangugona kweniko.

Machitidu gha Ŵakutumika 9:37

Ndipo kunguŵa kuti mu mazuŵa yagha wangutama, ndi wangufwa: ndipo ŵati ŵamusambika ŵangumuŵika mu chipinda chamuchanya.

Yohane 11:3

Viyo ŵazichi wo ŵangutuma kwaku iyo, ŵakuti, “Ambuya bwezi linu lapa mtima watama.”

Marko 11:1

Ndipo wachiŵandikiya ku Yerusalemu ku Betefage ndi Betaniya, pa phiri la Olivete, wangutuma ŵaŵi ŵa ŵasambizi ŵake.

Chiyambo 48:1

Pavuli paku ichi ŵangumunene Yosefe, “Ehe, ausu ŵatama,” viyo wanguruta ndi ŵana ŵake ŵanthurumi ŵaŵi, Manase ndi Efraimu.

Yohane 11:18

Betaniya wenga kufupi ndi Yerusalemu, akhumba mitunda yiŵi,

Yohane 11:19

ndipo ŵanandi ŵa ŵaYuda ŵanguza kwaku Marta ndi Mariya, kuti ŵaŵasanguruske pa nyifwa ya mzichi wawo.