Yohane 1:43 - Tonga Bible 1986

⁴³ Ndi mlenji wangukhumba Yesu kuruta ku Galile, ndipo wangusaniya Filipu: wangumnene, “Rondo ine!”

Yohane 1:43 Referans Kwoze

Yohane 14:8

Filipu wamnene, “Ambuya, tirongoni Dada, ndipo tikakhorwanga.”

Mateyu 9:9

Ndipo wachirutiriyapo Yesu wanguwona munthu, wakudanika Mateyu, wakuja pa nyumba yakusonkhiyapo msonkho; ndipo wangumunene, “Rondo ine.” Ndipo wangusoka, wangumrondo.

Yesaya 65:1

Ndenga wakurongosoleka kupenjeka ndi wo ŵengavi kundifumbiriya; ndenga wakurongosoleka kusanirika ndi wo ŵengavi kundipenja. Ine ndinguti, “Ndine pano, ndine pano,” ku mtundu weniwo wengavi kudana pa zina langu.

Yohane 12:21

Yaŵaŵanguza kwaku Filipu, waku Betesaida waku Galile, ndipo ŵamuŵeyerenga, ŵakuti, “Bwana, tikhumba kuwona Yesu.”

1 Yohane 4:19

Ifwe titanja, pakuti iyo danga wangwanja ifwe.

Yohane 6:5

Viyo Yesu maso ghake kuwona mzinda ukuru utumziya, wangumfumba Filipu, “Tingagula nunkhu viŵande kuti ŵarghe yaŵa?”

ŴaFilipi 3:12

Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake.

Yohane 1:28

Ivi vinguŵapo mu Betaniya kusirgha ku Yordane, kweniko Yohane wabatizanga.

Luka 19:10

Chifukwa Mwana wa munthu wakuziya kwachipenja ndi kwachitaska chakutayika cho.”

Mateyu 10:3

Filipu, ndi Bartolomeyu; Tomase, ndi Mateyu, wa msonkho yo; Yakobe, mwana waku Alifeyu, ndi Tadeyu;

Yohane 6:7

Filipu wangumwamuka, “Viŵande vya matambala machumi pe chume ghaŵi kuti vingaŵakwana wo cha, kuti yose waronde kamanavi.”

Yohane 1:35

Ndi mlenji wapavuli wanguma so Yohane, ndi ŵaŵi ŵa ŵasambizi ŵake,

Mateyu 4:12

Kweni Yesu wanguti wavwa kuti Yohane wamangika, wanguruta ku Galile:

Mateyu 8:22

Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Yohane 1:44

Kweni Filipu yo wenga waku Betesaida, ku muzi waku Andreya ndi Petro.

Yohane 2:11

Ichi nchiyambo cha visimikizgu vyo wanguchita Yesu mu Kana wa Galile, wangurongo unkhankhu wake; ndipo ŵasambizi ŵake ŵanguvwana mwaku iyo.

Yohane 1:37

Ndipo wasambizi wo ŵaŵi ŵanguti ŵamuvwa wachirongoro, ŵangumrondo Yesu.