Yohane 1:41 - Tonga Bible 1986

⁴¹ Mweniyo po wanguti wasaniya danga mkuwake Simoni, wangumnene, “Tamsaniya Mesiya” (cho cing'anamuwa Kristu).

Yohane 1:41 Referans Kwoze

Yohane 4:25

Wamnene munthukazi, “Ndiziŵa kuti watuza Mesiya (wakutamulika Kristu) penipo waza iyo, wazamkutitauliya pakweru vinthu vyose.”

Yohane 1:45

Filipu wangusaniya Natanaele, wangumnene, “Tamsaniya yo Mosese wangulemba pake mu langulu ndi so ŵamchimi, Yesu waku Nazarete, mwana waku Yosefe.”

Sumu 89:20

Ndatando mteŵeti wangu Davidi, ndamuchita kuŵa karonga winu;

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Luka 2:38

Ndipo wanguti wafikapo pa ora lenilo, wawongiyanga Chiuta, ndipo wangukambiya vyaku iyo kwaku wose ŵakulereze uwombozi wa Yerusalemu.

Luka 2:17

Ndipo ŵachiwona, ŵanguwandiska vyapa nkhani yakuneneka kwaku wo yapa mwana yo.

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yesaya 11:2

Ndipo Mzimu wa Ambuya ukajanga paku iyo, mzimu wa chinjeru ndi wakuwamo, mzimu wa fundu ndi nthazi, mzimu wa zeru ndi wa chopu cha Ambuya.

Sumu 45:7

mutanja urunji mutinkha uheni. Chifukwa cho Chiuta, Chiuta winu wakutondoni, ndipo wapunguliya paku imwe likondwa likuru kwakuruska ŵanyinu wose.

Sumu 2:2

Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

2 ŴaKaronga 7:9

Sono ŵangunenerana ŵanguti, “Kuti tichita umampha cha ifwe. Zuŵa lino ndi zuŵa la makani ghamampha; asani tijenge chisisi ndi kulindizga mpaka kucha mphurupuru yidu yikatisaniyanga; ipo sono tiyeni, tikaŵanene ŵa nyumba ya karonga.”

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.