Yohane 1:34 - Tonga Bible 1986

³⁴ Ndawona ine, ndipo ndasimikizga kuti Mwenuyu ndi Mwana waku Chiuta.”

Yohane 1:34 Referans Kwoze

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Mateyu 4:3

Ndipo wakwesa yo wanguza wangunena nayo, “Asani we Mwana waku Chiuta, nene mya iyi kuti yiŵe viŵande.”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

ŴaRoma 1:4

ndipo kuchiri ku Mzimu Wakupaturika, wangusimikizgika ndi nthazi kuŵa Mwana waku Chiuta ndi chiyuka cha ŵakufwa, Yesu Kristu Ambuyafwe;

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

1 Yohane 4:9

Mwaku chenichi chingurongoleke kuchiri kwaku ifwe chanju cho chaku Chiuta, mwakuti Chiuta wangutumiya Mwana wake wakuwa viya mu charu, alinga kuti tiŵenge ndi umoyo mwaku iyo.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 2:23

Yose wakumkana Mwana, walive so Dada: yo ngwakuzomera Mwana, we nayo Dada so.

2 ŴaKorinte 1:19

Chifukwa Mwana waku Chiuta, Yesu Kristu, wakumemezeke mwinu ndi ifwe, nadi ndi Silvano, Timote ndi ine, kuti wenga Inya ndi Awa cha; kweni mwaku iyo nyengo yose waŵa Inya.

Yohane 19:7

ŴaYuda ŵangumwamuka, “Ifwe te nalo langulu, ndipo mwa langulu lenilo watenere kufwa, pakuti wajisanduska Mwana waku Chiuta.”

Yohane 11:27

Wamnene, “Inya, Ambuya, ine ndavwana kuti imwe mwe Kristu, Mwana waku Chiuta, yo watuza mu charu.”

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Marko 1:1

Chiyambo cha evangeli waku Yesu Kristu, Mwana waku Chiuta.

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Mateyu 27:40

ŵakuti, “Wakubwanganduwa kasopi we, ndi wakumuzenga mu mazuŵa ghatatu, jitaske: asani we Mwana waku Chiuta, sika ku mphinjika yo.”

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.

ŴaHebere 7:3

wambura wiske, wambura nyina, wambura fuku, wambura chingana nchiyambu cha mazuŵa chingana mbumari wa umoyo, kweni wakulinganizgika ku Mwana waku Chiuta), wajaririya mzukuru ku muyaya.

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Marko 1:11

ndipo lingutuwa kuchanya liu, lakuti, “Iwe ndiwe Mwana wangu Wakwanjiwa, mwaku iwe ndikondwere.”

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Mateyu 8:29

Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?”

Mateyu 4:6

ndipo wangunena nayo, “Asani we Mwana waku Chiuta, ujipong'e pasi: chifukwa kwalembeka, ‘Waŵalanguliyenge ŵangelo ŵake vyapaku iwe,’ ndipo ‘Pa manja ghawo ŵakunyamu wenge, vinu kokuli ungagunyuwa pa mwa phazi lako.’ ”

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Yohane 20:28

Wangwamuka Tomase, wangunena nayo, “Ambuyangu ndi Chiuta wangu!”

Yohane 10:30

Ine ndi Ada te ŵamoza.”

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.