Yohane 1:33 - Tonga Bible 1986

³³ Ine nane kuti ndingumziŵa cha: kweni yo wangudituma kwachibatiza ndi maji, ndiyo wangundinene, ‘Paku mweniyo ungawona Mzimu kusoromoka ndi kuja pake, mweniyo ndiyo wabatiza ndi Mzimu Wakupaturika.’

Yohane 1:33 Referans Kwoze

Machitidu gha Ŵakutumika 1:5

pakuti Yohane iyo wangubatiza ndi maji, kweni imwe mubatizikenge ndi Mzimu Wakupaturika, ghandakepo mazuŵa ghanandi.”

Luka 3:16

wangwamuka Yohane, wakuŵanene wose, “Ine ndikubatizani ndi maji; kweni watuza wanthazi ndi ine, mikoŵezu ya viyatu vyaku mweniyo kuti nde wakwenere cha kufwatuwa; iyo wabatizenge imwe ndi Mzimu Wakupaturika ndi moto;

Mateyu 3:11

“Ine nadi ndikubatizani ndi maji ku ching'anamuka: kweni yo watuza pavulipangu ngwanthazi ndi ine, viyatu vyaku mweniyo kuti nde wakwenere cha ine kufwatuwa. Iyo wamkukubatizani ndi Mzimu Wakupaturika ndi moto.

Yohane 3:34

Chifukwa mweniyo Chiuta wamtuma, warongoro mazu ghaku Chiuta: chifukwa kuti wapaska Mzimu kwamweso cha.

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Machitidu gha Ŵakutumika 2:4

Ndipo ŵanguzazika wose ndi Mzimu Wakupaturika, ndi ŵangwamba kurongoro ndi malilime ghamwenga, uli ndimo Mzimu waŵapaskiyanga kwachirongoro.

Yohane 1:31

Ine kuti ndingumziŵa cha; kweni alinga kuti warongoleke kwaku Yisraele, chifukwa chenichi ndikuziya ine wakubatiza ndi maji.”

Yohane 7:39

Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.