Yohane 1:18 - Tonga Bible 1986

¹⁸ Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 1:18 Referans Kwoze

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

Yohane 6:46

Kuti yumoza wamwona Dada cha, kweni yo ngwakutuwa ku Dada, ndiyo wamwona Dada.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

1 Yohane 4:12

Kosekose kulive yumoza wawona Chiuta: asani titanjana, Chiuta waja mwaku ifwe, ndipo chanju chake chafiskika mwidu.

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

1 Yohane 4:9

Mwaku chenichi chingurongoleke kuchiri kwaku ifwe chanju cho chaku Chiuta, mwakuti Chiuta wangutumiya Mwana wake wakuwa viya mu charu, alinga kuti tiŵenge ndi umoyo mwaku iyo.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 4:20

Asani munthu watiti, “Nditumwanja Chiuta,” ndipo watinkha mbali wake, ndi mtesi: chifukwa mweniyo wareka kwanja mbali wake, mweniyo watumuwona, kuti waziŵa cha kumwanja Chiuta mweniyo valive kuwona.

Yohane 17:26

Ndaŵaziŵiska zina linu, ndipo ndikaliziŵiskanga; alinga kuti cho chanju chenicho mwandanja nacho, chiŵe mwaku iwo, ndi ine mwaku iwo.”

Yohane 17:6

“Zina linu ndalivumbuwa ku ŵanthu wo mwandipaska; ndipo ŵasunga mazu ghinu.

Yohane 14:9

Yesu wamnene, “Nyengo yitali yaviyo ndaŵa pamoza namwe, ndipo kumbi ulive kundiziŵa, Filipu? Yo wawona ine, wawona Ada. Ukamba uli iwe, ‘Tirongoni Dada’?

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Marangu 4:12

Viyo Ambuya angukamba namwe kuturiya mukati mu moto munguvwa kukamba kwa mazu, kweni kuti munguwona chikozgu cha, kweni mazu pe.

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Yohane 12:41

Vyenivi wangukamba Yesaya, pakuti wanguwona unkhankhu wake; ndipo wangurongoro vyapaku iyo.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Chiyambo 16:13

Viyo wangudana zina la Ambuya wo angurongoro nayo, “Ndimwe Chiuta wakuwona”; pakuti wanguti, “Kumbi ndamuwonadi Chiuta ndipo ndajaliriya wamoyo pavuli pakumuwona?”

Yoswa 5:13

Penipo Yoswa wenga pafupi pa Yeriko, wangusoska maso ghake wangulereska, wanguwona, munthu wanguma paurongo pake, ndi lipanga lakuwewepuwa mu janja lake; ndipo Yoswa wanguruta kwaku iyo wangunena nayo, “Kumbi iwe wendi ifwe, pamwenga weku ŵakupindikana ŵidu?”

Chitenje 2:12

Ŵaliriya ku anyinawo, “Chiŵande ndi vinyo vye pani?” Ŵachilakatuka uli mbanthu ŵakulasika mu miseu ya msumba, penipo umoyo wawo udikiya pa chifuŵa cha anyinawo.

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Nthanthi 8:30

penipo ndenga pamoza nawo, uli ndi kapitawo wa nchitu; ndipo zuŵa ndi zuŵa ndenga likondwa lawo, wakukondwere paurongo pawo nyengo zose,

Chiyambo 18:33

Viyo Ambuya anguruta mu nthowa yawo ŵati ŵamara kurongoro ndi Abrahamu; ndipo Abrahamu nayo wanguwere ku malo ghake.

Yohane 13:23

Yumoza wa ŵasambizi wakiyegeme pa chifuŵa chaku Yesu, yo Yesu wangwanja.

Chituwa 24:10

ndipo ŵanguwona Chiuta wa ŵaYisraele, ndipo pasi pa marwayo ghake penga uli nkhanthowa ka mya yasangarawe, kukozgana ndi kuchanya iko kungweruka.

Yohane 3:11

Nadi, ndikuneneske, tirongoro cho tiziŵa, ndipo chenicho tawona tisimikizga; kweni chisimisimi chidu kuti muronde cha.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.