Yohane 1:17 - Tonga Bible 1986

¹⁷ Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Yohane 1:17 Referans Kwoze

ŴaRoma 6:14

Chifukwa kuti ulakwi utufuliyenge paku imwe cha: chifukwa kuti mwe pasi pa chilangulu cha, kweni pasi pa wezi.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

ŴaHebere 9:22

Ndipo mwa dangu lo viŵiviŵi vyose viphotoleka ndi ndopa, ndipo kwambura kudika ndopa chireke palive.

Yohane 8:32

ndipo muziŵenge uneneska, ndipo uneneska wo usanduskenge imwe ŵanangwa.”

Yohane 7:19

Mosese wangukupaskani langulu? Ndipo palive yumoza mwaku imwe wasunga langulu. Chifukwa chine mulembe kundibaya?”

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

Chiyambo 22:18

Ndipo mu mphapu yako mitundu yose ya charu chapasi yitumbikikenge chifukwe wavwiya mazu ghangu.”

ŴaGalatia 3:17

Kweni chenichi ndititi; langulu lakutemeka pavuli pa virimika machumi pe chumi ghanayi ndi machumi ghatatu kuti lipenevya cha phanganu lakukhozgeka kali ndi Chiuta, viyo kuti liwayuwe chipanganu cho.

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Machitidu gha Ŵakutumika 7:38

Ndiyowenga mu mpingu wo mu bozwa pamoza ndi mungelo yo warongoronga nayo mu phiri Sinai, ndi auskefwe: yo wanguronde manenedu ghamoyo kwachipaska ifwe.

Yohane 5:45

Mungarunguruka cha kuti ine ndikusumuweninge ku Ada: wakukusumuwani walipo, ndi Mosese, mwakumweniyo mwagomekezga.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

2 ŴaKorinte 1:20

Chifukwa mapanganu ghose ghaku Chiuta, ghasaniya inya wawo mwaku iyo, muchifukwa ichi tikamba, Ameni, mwaku iyo, tichikambiya ku unkhankhu waku Chiuta.

Yohane 9:29

Tiziŵa ifwe kuti Chiuta wangurongoro kwaku Mosese, kweni ghapa munthu uyu, kuti tiziŵa cha ko watuwa.”

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Sumu 98:3

Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

Sumu 85:10

Chanju chakufikapo ndi ukongorekwa vyaziya pamoza; urunji ndi chimangu vyakumana.

Marangu 33:4

penipo Mosese wangutilanguliya dangu ili nge nchihara cha umba waku Yakobe.

Marangu 4:44

Ili ndi dangu lo Mosese wangumika pa maso pa ŵaYisraele.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”