Yohane 1:10 - Tonga Bible 1986

¹⁰ Wenga mu charu, charu chingwatika ndi iyo, kweni charu chengavi kumziŵa.

Yohane 1:10 Referans Kwoze

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

1 ŴaKorinte 2:8

Zeru yeniyo wengavi kuyiziŵa nanga njumoza wa ŵakuwusa ŵa mgonezi uwu: chifukwa asani ŵanguyiziŵa, mphanyi ŵengavi kuŵapayika Ambuya ŵa unkhankhu.

1 ŴaKorinte 1:21

Chifukwa kwakulingana ndi zeru yaku Chiuta charu cho mu zeru yake chengavi kumziŵa Chiuta, kungukondweska Chiuta mu kupusa kwa chitaula kwachitaskiya ŵakuvwana.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

ŴaHebere 11:3

Ndi chivwanu titeska kuti vyaru vyo vyachitika ndimazu ghaku Chiuta, viyo kuti cho chiwoneka chirive kuŵapo kutuwa ku vyakuwoneka.

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 1:5

Kungweruka ko kuŵala mu mdima; ndipo mdima wo wengavi nthazi kujara kungweruka ko.

Machitidu gha Ŵakutumika 14:17

Ndikweni kuti wajireka ŵaka cha wambura chisimisimi, mwakuti wanguchita umampha, pakupaska imwe kutuwa kuchanya vuwa ndi nyengo zakupasiya, ndi pakugutiska mitima yinu ndi vyakurgha ndi likondwa.”

Yohane 5:17

Kweni Yesu wanguŵamuka, “Mpaka sono Ada ŵachita nchitu, ndipo ine nani ndichita.”

Chiyambo 16:13

Viyo wangudana zina la Ambuya wo angurongoro nayo, “Ndimwe Chiuta wakuwona”; pakuti wanguti, “Kumbi ndamuwonadi Chiuta ndipo ndajaliriya wamoyo pavuli pakumuwona?”

Chiyambo 18:33

Viyo Ambuya anguruta mu nthowa yawo ŵati ŵamara kurongoro ndi Abrahamu; ndipo Abrahamu nayo wanguwere ku malo ghake.

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Yohane 1:3

Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Yohane 1:11

Wanguza ku ŵake, ndipo wo ŵake kuti ŵangumronde cha.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

ŴaKolose 1:16

Pakuti mwaku iyo vingulengeka vinthu vyose, vya kuchanya ndi vyapa charu, vyakuwoneka ndi vyambura kuwoneka, pamwe vitengu vyaufumu, pamwe maumbuya, pamwe maufumu, pamwe mitufu; vyose vyo vikulengeke mwaku iyo, ndi kwaku iyo.