Yoele 3:17 - Tonga Bible 1986

¹⁷ “Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Yoele 3:17 Referans Kwoze

Yoele 2:27

Ndipo muziŵenge kuti nde mukati mwaku Yisraele, ndi kuti ine Ambuya nde Chiuta winu, ndi kulivi munyake so. Ndipo ŵanthu ŵangu kuti ŵalengeskekenge so cha muyaya.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.

Yesaya 4:3

Ndipo yo wakasiyikanga mu Zioni ndi wakujaririya mu Yerusalemu wakadanikanga wakupaturika, we yose yo walembeke umoyo mu Yerusalemu,

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

Yoele 3:21

Nditayiyenge thayu pa ndopa zawo, ndipo kuti ndiphotonge ŵalakwi cha, chifukwa Ambuya ŵaja mu Zioni.”

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Danyele 11:45

Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.

Ezekiele 48:35

Kupima msumba wose zingirizgi ukaŵanga mikono vikwi chumi ndi vinkhonde ndi vitatu, (18,000), ndipo zina la msumba kutuwa zuŵa lino mpaka ku muyaya likaŵanga, Ambuya ŵe mwenimuwa.”

Ezekiele 43:12

Ili ndi dangu la kasopi: charu chose chakuzingirizga pachanya pa phiri chikaŵanga chakupaturika kwakuruska. Awona, ili ndi dangu la kasopi.

Yesaya 35:8

Ndipo gurwi mukuru wakaŵanga kwenikuwa, ndipo ukadanikanga Nthowa Yakupaturika; ŵaukazuzi kuti ŵakendangamo cha, ŵabereŵeza kuti ŵakalakwiyangamo cha.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Sumu 76:2

Muzi wake wemu Yerusalemu; waja pa phiri la Zioni.

Sumu 9:11

Mbiyani marumbu ku Ambuya, akuja mu Zioni! Taulani mukati mu ŵanthu nchitu zawo!

Chituwa 16:12

“Ndavwa madinginuku gha ŵaYisraele, uŵakambiye ndi mazulo pa kuchita fyepere mukarghanga nyama, ndipo ndi mlenji mukagutanga chiŵande; po ndipo mukaziŵanga kuti ndine Ambuya Chiuta winu.”

Yesaya 11:9

Kuti vikapwetekanga pamwenga kubwanganduwa cha mu phiri langu lose lakupaturika, pakuti charu chapasi chikazazikanga ndi zeru za Ambuya nge ndimo maji ghazaziya nyanja.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Yesaya 56:7

ŵa viyo ndikaŵatoliyanga ku phiri langu lakupaturika; ndi kuŵapaska likondwa mu nyumba yangu ya kuromba; mipasku yawo yakocha ndi sembe zawo vikarondelekanga pa chiguŵa changu cha sembe; pakuti nyumba yangu yikadanikanga nyumba ya kuromba ya ŵanthu wose.

Yeremiya 31:40

Dambo lose la viŵanda ndi vyoto, ndi minda yose kwachifika ku kamsinji ka Kidroni, kwachifika ku chisongo cha Likomo la Kavalo kurata ku vuma, pose pakaŵanga malo ghakupaturikiya ku Ambuya. Kuti ukazuwikanga nanga nkhubwangandulika so cha muyaya.”

Ezekiele 20:40

“Chifukwa pa phiri langu lakupaturika, phiri litali ukongwa laku Yisraele, penipa nyumba yaku Yisraele, wose pamoza, ŵakanditeŵetiyanga mu charu, atiti Ambuya Chiuta; penipa ndipo ndikaŵarondiyanga, ndipo ndikakhumbanga mipasku yinu ndi vyakusankhika vya vyawanangwa vinu, ndi sembe zinu zamampha kwakuruska.

Ezekiele 37:6

Ndikaŵikanga misipi mwaku imwe, ndikawerezgiyanga mnofu paku imwe, ndi kukuburumutizgani ndikhungu, ndi kuserezga mvuchi mukati mwinu, mukaŵanga ŵamoyo, ndipo mukaziŵanga kuti ine ndine Ambuya.”

Ezekiele 44:9

“Chifukwa cho atiti Ambuya Chiuta; Mlendo cha, wambura kuchinjika mu mtima ndi liŵavu cha kuti wasere mu malo ghangu ghatuŵa, inya, chingana ndi mlendo yo waja mukati mu ŵaYisraele.

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Jobu 15:19

kwaku ŵeniwo ŵija charu chingupaskika, ndipo kwengavi mlendo yo wangwenda mukati mwaku wo).