Yoele 3:16 - Tonga Bible 1986

¹⁶ Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Yoele 3:16 Referans Kwoze

Amosi 1:2

Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Hagayi 2:6

Chifukwa cho atiti Ambuya ŵa maŵanja: ndipo so, pavuli pa nyengo yimanavi, nkhasukuniskanga machanya ndi charu chapasi, ndi nyanja, ndi mtunda uyumu;

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yesaya 42:13

Ambuya aruta uli ndi munthu chilimbi, uli ndi munthu wa nkhondo wasosomo ukali wake; waliya pachanya, wadanirizga ukongwa, watijirongo yija kuŵa wa nthazi pa ŵakupindikana ŵake.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Ezekiele 38:19

Chifukwa mu sanji yangu ndi mukukore kwa ukari mwangu ndikamba kuti, Pa zuŵa leniliya kukaŵangapo kuyaghayika kukuru mu charu chaku Yisraele;

Yesaya 51:16

Ndipo ndaŵika mazu ghangu mu mlomo winu, ndakubisa mu chiduzi cha janja langu, nditambaruwa machanya ndi kutandika viŵanja vya charu chapasi, ndipo ndititi kwaku Zioni, ‘Mwe ŵanthu ŵangu.’ ”

Sumu 61:3

pakuti imwe mwaŵa chakudingang'amo changu, chitanthali chakukho ku murwani.

Chivumbuzi 16:18

Ndipo kunguŵapo malimphezi ndi kamphomezi, ndi vidiririzi; ndipo chinguŵapo chiyeuyeu chenichikuru, chakuti chengavi kuŵapo chiyeuyeu chikuru chaviyo kutuwa ku nyengo yo ŵanthu ŵanguŵiyapo pa charu chapasi.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Yesaya 33:16

Wakajanga pachanya; malo ghake ghakuvikirika ghakaŵanga linga la majarawe; wakapaskikanga kurgha kwake, maji ghake ghakajaririyanga.

Sumu 29:11

Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

ŴaHebere 12:26

Liu laku mweniyo lingusukung'a charu kali, kweni sono wapangana, kuti, “Kamoza so ine nkhasukuniskanga charu pe cha, kweni kuchanya nako.”

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Amosi 3:8

Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”

Hoseya 11:10

Ŵakarondonga Ambuya, Ambuya akoromenge nge ndi nkharamu, inya akoromenge, ndipo ŵana ŵake ŵakazanga ndi chitenje kutuwa ku zambwe.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Yesaya 33:21

Kweni mwenimuwa Ambuya mu kuziza kwawo akaŵanga kuchiri kwidu, malo gha misinji yisani ndi tumisinji, mwenimo vyombo ndi malemu kuti vingakamo cha, nanga ndi ngaraŵa zakuzirwa kuti zingakamo cha.

Yeremiya 17:17

Rekani kuŵa chakofya kwaku ine; ndimwe chakubisamamo changu muzuŵa liheni.

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

Zekariya 9:12

Wereni ku linga linu, imwe ŵamagoŵa ŵachigomekezgu, msana wale ndinena kuti ndimuwezgiyeninge kaŵi.