Yoele 2:20 - Tonga Bible 1986

²⁰ “Ndinderezgenge kutali ŵanthu ŵaku nkhonde kuŵadikiskiya ku charu cha chiparamba ndi chakupasuka; ŵakudanga ŵake ku nyanja yaku vuma, ŵakuvuli ku nyanja yaku zambwe; kununkha kwake ndi sungu lake vikwerenge; chifukwa wachita vinthu vikuru.

Yoele 2:20 Referans Kwoze

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Yesaya 34:3

Ŵakubayika ŵawo ŵakapong'ekanga kubwaro, ndipo kununkha kwa viŵanda vyawo kukakuwanga; mapiri ghakapopomanga ndi ndopa zawo.

Marangu 11:24

Malo ghose ghenigho phazi la lundi linu lamukanda ghakaŵanga ghinu. Charu chinu chikaŵanga kutuwa ku bozwa la Lebanoni ndi kutuwa ku msinji, msinji Efrate, kwachifika ku nyanja yaku maselelo gha dazi.

Ezekiele 47:18

“Kuchiri ku vuma, mphaka yikatuwanga ku Hazarenoni pakati pa Haurani ndi Damasko; mumphepeti mwa Yordane pakati pa Gileada ndi charu cha Yisraele; ku nyanja yaku vuma kurutiliya ku Tamara. Uku nkhuchiri ku vuma.

Chituwa 10:19

Ndipo Ambuya angung'anamuwa mphepo ya nthazi ukongwa yaku zambwe, yeniyo yingusoska ŵazombe ndi kuŵaputiskiya mu Nyanja Yiyera, kuti mungusiyika zombe nanga njumoza cha mu charu cha Egipiti.

2 ŴaKaronga 8:13

Ndipo Hazaeli wanguti, “Njani nayo mteŵeti winu, garu yawaka, wakuti wangachita chinthu chikuru ichi?” Elisha wangwamuka, “Ambuya andilongo kuti iwe ukaŵanga wa ŵaSiriya.”

Chituwa 8:14

Ndipo ŵanguŵawunjika pamoza mu zindundu, ndipo charu chingununkha.

Sumu 126:3

Nadi, Ambuya atichitiya vikuru; te ŵakukondwa.

Malaki 3:11

Nkachenyanga zombe chifukwa chaku imwe, kuti wareke kurgha ndi kumwa vipasi vya nyata yinu, ndipo mphereska zinu mu munda kuti zikatondekanga kupasa cha, atiti Ambuya ŵa maŵanja.