Yoele 2:2 - Tonga Bible 1986

² Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Yoele 2:2 Referans Kwoze

Yoele 1:6

Chifukwa mtundu waza ndi kurwana ndi charu changu, wanthazi ndi wambura kuŵerengeka; weniwo minyu ghake ghenge nga nkharamu, wendi vibwanyu nge vya nkharamu yinthukazi.

Yoele 2:5

Nge nchiwawa cha magareta, ghachiripuka pachanya pa mapiri, nge nchiwawa cha mlipu wa moto, wo utocha viputu, nge mbanthu ŵanthazi ŵaŵikika umampha mukurwa nkhondo.

Yoele 2:25

Ndimuwezgiyeninge virimika vyo zombe wangurgha, ŵaphanana, matondo, ndi viwungu, nkhondo yangu yikuru yo ndingutuma mukati mwinu.

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

Yesaya 8:22

ŵakalereskanga charu cha pasi, kweni ehe, suzgu ndi mdima, munkhorwe wa suzgu, ndipo ŵakapong'ekanga ku mdima uzitu.

Yesaya 5:30

Ŵakakoromanga paku yo mu zuŵa liya, uli nkhuuruma kwa nyanja. Asani yumoza walereskenge ku charu, awonani, mdima ndi suzgu; ndipo ukweru wafipiskika ndi mitambo yake.

Yuda 1:13

mayigha ghakari gha nyanja, ghenigho ghamokoka phovu la soni zawo; nyenyezi zakurandiyarandiya, kwaku zenizo wasungikiya munkhorwe wa mdima muyaya.

ŴaHebere 12:18

Chifukwa mulive kuzako ku phiri lo lakwaskikanga, ndi lingukole ndi moto, ndi ku munkhorwi, ndi ku mdima, ndi ku kanthenga,

Marko 13:19

Chifukwa mu mazuŵa ghenigho kuŵenge suzgu, yakuti yindaŵepo yaviyo kutuwa ku mtendeku wa ulengi wo wangulenga Chiuta, mpaka ku sono, ndi kuti yikaŵangapo so cha.

Amosi 4:13

Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Sumu 10:6

Watiti mu mtima wake, “Kuti ndisukuniskikenge cha; ku migonezi yose kuti ndikasaniyanga soka cha.”

Marangu 32:7

Kumbukani mazuŵa gha mwaka, ghanaghanani virimika vya migonezi yinandi; fumbani auskemwe, ndipo ŵakakurongoninga, ŵara ŵinu ŵakamuneniyaninga.

Chituwa 20:21

Ndipo ŵanthu ŵanguma patali, penipo Mosese wanderenga kufupi ku mdima uzitu kweniko wenga Chiuta.

Chituwa 10:14

Ndipo ŵazombe ŵanguza pa charu chose chaEgipiti, ndi ŵangubota pa charu chose cha Egipiti, mdima bi wa ŵazombe wo kale kuti ŵanguwonekapo cha, ndipo kuti ŵakawonekangapo so cha pavuli.

Chituwa 10:6

ndipo ŵakazazanga mu nyumba zako ndi nyumba za ŵaŵanda ŵako wose ndi za ŵaEgipiti wose; ŵeniwo mbausu pamwenga ambuyako ŵengavi kuŵawona, kwamba pa zuŵa lo ŵangwazijariya pa charu chapasi kufika zuŵa lino.’ ” Sono ŵangung'anamuka ndi ŵangutuwamo mwaku Farao.

Mateyu 24:21

Chifukwa chiŵengeko penipo chisuzgu chikuru, chakuti chengavi kuŵapo chaviyo kutuwa ku mtendeku wa charu mpaka kuno ku le, chingana nkhuti chikaŵangapo so cha.

Chivumbuzi 9:2

Ndipo wangubanuwa chizenje cho chakuti nyo, ndipo kutuwa ku chizenje cho ungukwera usi, ulaka ndi usi wa ng'anjo yikuru; ndipo vingufipiskika dazi ndi mude chifukwa cha usi wa chizenje cho.

Chitenje 1:12

“Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.

Ezekiele 32:7

Ndichikusisita iwe, ndikabenekeriyanga machanya, ndikafipiskanga nyenyezi zawo; ndikabenekeriyanga dazi ndi mtambo, mwezi kuti ukapaskanga kuŵara kwake cha.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Ezekiele 38:9

Ukayendanga panthazi, ukazanga nge nchimphunga, ukaŵanga nge ndi bingu lakubenekere charu, iwe ndi maliŵanja ghako ghose, ndi ŵanthu ŵanandi pamoza nawe.

Yeremiya 13:6

Ndipo pavuli pa mazuŵa ghanandi Ambuya anguti, “Soka, ruta ku Efrate, ukato lamba liya ndingukulanguliya kulibisa kwenikuwa.”

Yoele 3:4

“Mwe ayani imwe kwaku ine, imwe Turo ndi Sidoni, ndi mphaka zose za ŵaFilisti? Kumbi mutindiwezge thayu? Asani mutindiwezge thayu ruŵi ndiwezgenge thayu linu, pa mutu winu.

Zefaniya 1:7

Uje chete paurongo pa Ambuya Chiuta! Chifukwa zuŵa la Ambuya laŵandika; Ambuya arongoso kubaya sembe ndi apatuwa ŵakudanika ŵawo.

Zekariya 14:6

Mu zuŵa lo mphepo ndi kuzizira viŵengeko cha.