Yoele 2:17 - Tonga Bible 1986

¹⁷ Pakati pakuserere ndi jochero ŵazukuru, ŵateŵeti ŵa Ambuya ŵaliye, ndi ŵanene kuti, “Ambuya, mungachitanga ŵanthu ŵinu kuŵa ŵakulengeskeka mukati mu mitundu. Chifukwa nchine cho ŵakaneniyanga mukati mu ŵanthu kuti, ‘Chiuta wawo wepani?’ ”

Yoele 2:17 Referans Kwoze

Ezekiele 8:16

Ndipo wangunditore mu luluwa la mukati la nyumba ya Ambuya; awonani, pakhomo pa kasopi wa Ambuya, pakati pa khonde lake ndi jochero, penga akhumba ŵanthu machumi ghaŵi ndi ŵankhonde, ŵangurazga misana yawo ku kasopi wa Ambuya, visku vyawo vingurazga kuchiri ku vuma, ŵasopanga lumwi ku kutuliya kwake.

Sumu 115:2

Yitifumbiyengenji mitundu, “Wepani Chiuta winu?”

Sumu 79:10

Yitifumbiyengenji mitundu, kuti, “Wepani Chiuta winu?” Mphanyi tawona kuti mwayisuzga mitundu, chifukwa cha kudika kwa ndopa za ŵateŵeti ŵinu!

Mateyu 23:35

viyo kuti ziziyenge paku imwe ndopa zose zirunji zakudikiya pa charu, kutuwa ku ndopa zo zaku Abelu murunji yo mpaka ku ndopa zaku Zekariya mwana waku Barakiya, yo mungukosore pakati pa kasopi ndi jochero.

Amosi 7:2

Ndipo po zombe wangumara kurgha uteka wa charu, ndinguti, “Ambuya Chiuta, gowokani, ndi kuŵeyani! Kumbi Yakobe wangama uli? Ndimumana limu!”

Yoele 1:9

Sembe ya vyakurgha ndi sembe ya vyakumwa zarekeka mu nyumba ya Ambuya. Ŵazukuru ŵatenje, ŵateŵeti ŵa Ambuya.

Hoseya 14:2

Uwere kwa Ambuya, uze ndi mazu ukambe kwaku iwo ghakuti; “Mutuzgeko ubendezi wose; muzomerezge cho nchamampha, ndipo tiperekenge vipasi vya milomo yidu.

1 ŴaKaronga 6:3

Khonde la pakuserere kumaso kwa nyumba lenga mikono machumi ghaŵi (20) mu utali kuyana waka ndi usani wa nyumba, ndi mikono chumi kurata pasi ku maso kwa nyumba.

Chituwa 34:9

Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Amosi 7:5

Viyo ndinguti, “Ambuya Chiuta, rekani, ndikuŵeyani! Kumbi Yakobe wangaziŵa kuma uli? Ndimumana limu!”

Ezekiele 20:9

Kweni pa chifukwa cha zina langu, ndingureka alinga kuti lireke kufipiskika mu maso gha mitundu yo iwo ŵaja mukati mwawo, mu maso ghaku ŵeniwo ndingujiwoneska pakuŵatuzga iwo mu charu cha Egipiti.

Yesaya 37:20

Viyo sono, Ambuya mwe Chiuta widu, titaskeni ku janja lake, alinga maufumu ghose gha charu chapasi ghaziŵe kuti imwe pe ndimwe Ambuya.”

Sumu 89:51

lenilo ŵakupindikana ŵinu ŵasuzga nalo karonga winu wakusankhika, Ambuya! Ŵatimuyuzga kose kweneko ŵatenda.

Sumu 89:41

Wose ŵakujumphapo ŵatimuskowa waŵa chitozeru ku ŵakuzengezgana wake.

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.

Sumu 74:10

Mpaka zuŵanji, A Chiuta, ŵarwani ŵidu ŵakatiweranga? Kumbi ŵakatukanga zina linu muyaya?

Sumu 42:10

Kutombozga kwa ŵakupindikana nane; kwenge ndi bala la nyifwa mu liŵavu langu, po ŵakamba nane kwambura kurekezga, wepani, “Chiuta wako?”

2 Mikoka 8:12

Viyo Solomoni wangupereka sembe zakocha ku Ambuya pa jochero la Ambuya lo wanguzenga pa maso pa khonde,

Marangu 32:27

Asani ndengavi kopa kusosomo kwa ŵakupindikana, kuti vinu ŵarwani ŵawo ŵangeruzga kwa ujira, vinu ŵangakamba kuti, “Janja lidu lapunda, Ambuya alivi kuchita ivi vyose.” ’

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Malaki 1:9

“Ndipo sono ŵeyeriyani ulemu waku Chiuta mwakuti waŵe nafwe ndi lisungu. Kumbi walongonge lisungu kwaku we yose waku imwe yo wapereka cha wanangwa chaviyo? Atiti Ambuya ŵa maŵanja.

Nehemiya 9:36

Ehe, te ŵaŵanda msana wale; mu charu cho mungupaska ku auskefwe kurghamo vipasi vyake ndi vya ulera vyake vyamampha, ehe, te ŵaŵanda.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Sumu 42:3

Masozi ghangu ghandiŵiya kurgha msana ndi usiku, penipo ŵanthu ŵakamba nane kwambura kurekezga, “Wepani Chiuta wako?”

2 Mikoka 7:20

nkhakutuzgangamo mu charu cho ndakupaska, ndi nyumba iyi, yo ndayipatuliya ku zina langu, ndiyitayenge kuti yireke kuwoneka so ku maso ghangu, ndiyisanduskenge nthanthi ndi chitozeru mukati mu ŵanthu wose.

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

Marangu 28:37

Ndipo mukaŵanga ŵamantha, ŵantharika ndi ŵakunyozeka, mukati mu ŵanthu wose kweniko Ambuya akamurongozgiyaninga.

Maŵerengedu 25:6

Ndipo awonani, yimoza wa ŵaYisraele wanguza ku ŵabali ŵake ndi munthukazi muMidiani, pa maso paku Mosese ndi wumba wose wa ŵaYisraele, penipo ŵaliyanga pa khomo la hema lakuwunganamo.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yoswa 7:9

Chifukwa ŵaKanani ndi wose ŵakuja mu charu cho ŵakachivwanga ichi, ndipo ŵakatizinganga, ndi kutuzgapo zina lidu mu charu chapasi sono imwe mukalichitiyanganji zina likuru?”

Sumu 42:4

Vinthu ivi ndikumbuka, nge ndimo ndipunguliya mzimu wangu: ponda rutiyanga ndi mzinda, pakuŵadanjiriya ku nyumba yaku Chiuta, mu kukambura kwa likondwa ndi sumu za kuwonga, mzinda wakusunga visopo vya dghera.

Sumu 42:11

Wawiyanji pasi wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.