Yoele 2:16 - Tonga Bible 1986

¹⁶ unjikani ŵanthu. Patuwani umba, unjikani ŵaraŵara; unjikani ŵana, chingana mba mjedu. Mweni nthengwa watuwe mu chipinda chake, ndi mwali nayo muchipinda chake.

Yoele 2:16 Referans Kwoze

2 Mikoka 29:5

ndipo wanguti kwaku iwo, “Ndivweni, mwa ŵaLevi! Mujipatuwe sono, ndi mupatuwe nyumba ya Ambuya, Chiuta wa auskemwe, mutuzgemo vyauyu mu malo ghatuŵa.

2 Mikoka 20:13

Ndipo Yuda yose wanguma paurongo paku Chiuta, ndi ŵamjedu ŵawo, ndi ŵawoli ŵawo, ndi ŵana ŵawo.

1 ŴaKorinte 7:5

Mungakaniyananga cha, kweni iku asani mpha phanganu kwakanyengo kakuti, mungaziŵa kujipatuwa mwakuti mujipereke ku kuromba pavuli pake muŵe pamoza so, alinga kuti warekenge Satana yo kumwesani chifukwa cha uzirakujitintha winu.

Yoele 1:14

Patuwani zuŵa lakufunga kurgha mudane unganu wakupaturika. Unjikani ŵaraŵara ndi ŵakuja mu charu wose mu nyumba ya Ambuya Chiuta winu; ndi muliliye ku Ambuya.

1 Samuele 16:5

Iyo wanguti, “Muchimangu; ndaziya kwazipereka sembe ku Ambuya; jipaturiskeni mwaŵeni, ndipo muzi pamoza nane ku sembe.” Ndipo wangupaturiska Jese ndi ŵana ŵake ŵanthurumi wanguŵadaniya ku sembe.

Chituwa 19:22

Ndipo so unene ŵazukuru wo ŵandere kufupi ku Ambuya kujipatuwa ŵija vinu Ambuya angaŵarotoke.”

Chituwa 19:10

ndipo Ambuya anguti kwaku Mosese, “Rutanga ku ŵanthu wo ndipo ukaŵapatuwe msana wale ndi la mawa, ndipo ukaŵachapiske vyakuvwara vyawo,

Mateyu 9:15

Yesu wanguŵanene, “Kumbi ŵangatenje ŵana ŵanthengwa, penipo mweninthengwa we nawo pamoza? Kweni ghazenge mazuŵa ndipo wampokeka kwaku wo mweni-nthengwa, ndipo ŵafungenge penipo.

Sumu 19:5

lo lituwa nge ndimo mwali wanthengwa watuliya mu chipinda chake, ndipo lisekere nge nchinkhara kuchimbiya mu nthowa yake.

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

2 Mikoka 35:6

Mubaye mberere ya phaska ndi mujipaturiske, mulongosore ŵanyinu mwakuti ŵachite kwakulingana ndi mazu gha Ambuya kwaku Mosese.”

2 Mikoka 30:19

mweniyo wapenja Chiuta, Ambuya, Chiuta wa awiske, nanga wangureka kutozgeka kwakuyana ndi marangu ghakutozgeka gha malo ghakupaturika.”

2 Mikoka 30:17

Chifukwa ŵengamo ŵanandi mu wumba, wo kuti ŵangujipatuliska cha, chifukwa ichi, ŵaLevi ŵangubaya mwana wa mberere wa phaska chifukwa cha munthu yose yo wenga wambura kutozgeka kuti waŵe wakupaturika wa Ambuya.

Yoswa 7:13

Soka, uŵatozge ŵanthu, ukambe kuti, ‘Jitozgeni mwaŵeni lamawa, pakuti ndimo Ambuya ŵanene Chiuta waku Yisraele, “Mwe vyakukanizgika mukati mwinu, Owe Yisraele; kuti muziŵa kuma paurongo pa ŵarwani ŵinu cha, mpaka po mwatuzgamo vinthu vyakubisika vyo vye mukati mwinu.”

Chituwa 19:15

Ndipo wanguti ku ŵanthu, “Muŵe ŵakurongosoreka zuŵa la chitatu; munganderenga kufupi ku munthukazi cha.”

Mateyu 21:16

ndipo ŵangumnene, “Kumbi utuvwa cho yaŵa ŵakamba?” Yesu wanguŵanene, “Inya, asi mwaŵerenga kali, kuti, Kutuwa ku mlomo wa ŵamjedu ndi ŵakonkha mwarongosole thokozu?”

Yoswa 8:35

Pengavi mazu ghakukambika ndi Mosese gho ghengavi kuŵerengeka ndi Yoswa paurongo pa mzinda wose wa ŵaYisraele, ŵanthukazi, ŵana ndi ŵalendo wo ŵajanga mukati mwawo.