Yesaya 9:3 - Tonga Bible 1986

³ Imwe mwandaniska mtundu, mwandaniska likondwa lake, ŵakondwa paurongo pinu, uli ndi likondwa la pakuvuna, uli ndi po ŵakondwe ŵanthu ŵachigaŵana vyakuskoŵa.

Yesaya 9:3 Referans Kwoze

Sumu 119:162

Ndikondwere mu mazu ghinu, nge nkhukondwa kwaku yo wasaniya usambasi unandi.

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

Yesaya 26:15

Kweni imwe mwakuzga mtundu, Ambuya, mwa ndaniska mtundu; mwakankhuskika imwe, mwakuzga mphaka zose za charu.

Yesaya 66:10

“Kondwani pamoza ndi Yerusalemu, musekere chifukwa chake, imwe mose mutuŵanja; kondwani nayo pamoza mu chimwemwe, imwe mose mutimutenjere;

Yesaya 65:18

Kweni mukasekerenga ndi kukondwere muyaya mwaku cho ndilenga; pakuti ehe, ndilenga Yerusalemu kuŵa likondwa, ndi ŵanthu ŵake kuŵa ndi chimwemwe.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

1 Samuele 30:16

Ndipo wanguti waruta nayo, ehe, ŵangubalarikiya uku ndi uku pa charu chose, ŵakurgha, kumwa, ndi kuvina, chifukwa cha vinthu vinandi vyo ŵanguskoŵa ku charu cha ŵaFilisti ndi charu cha Yuda.

Luka 11:22

Kweni asani wanthazi kwaku iyo waziya pake ndi kumgoda, waphanga vidya vyake mwaku vyo wagomezga ndipo miskowu yake wagaŵa.

Sumu 4:7

Imwe mwaŵika chimwemwe chikuru mu mtima wangu, kwakuruska chaku iwo penipo mbeu yawo ndi vinyo vyaŵa vinandi.

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

Zekariya 10:8

“Ndiŵambiyenge khweru, ndi kuŵawunjika, chifukwa ndaŵawombo; ŵakaŵanga ŵanandi nge ndimo ŵanguŵiya kali.

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Hoseya 4:7

Kwakulingana nge ndimo ŵangwandaniyana ukongwa, ndimu so ŵangundilakwiya; ndisinthenge unkhankhu wawo kuŵa soni.

Yeremiya 31:7

Pakuti atiti viyo Ambuya: “Kamburiyani Yakobe ndi chimwemwe, ndipo yuskiyani kukamburiya fumu ya mitundu; memezani, paskani rumbu, ndipo munene, ‘Ambuya ataska ŵanthu ŵawo, ŵakujapo ŵa ŵaYisraele.’

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 61:7

Mu malo mwa soni zinu mukaŵanga navyo kwakusazgiyapo, mu malo ghakuyeyeka mukasekerenga mu phande linu; viyo mu charu chinu mukaŵanga ndi vya uzali wa kaŵi, chinu chikaŵanga chimwemwe cha muyaya.

Yesaya 55:12

“Pakuti mukatuwanga ndi likondwa, ndi kurongozgeka mu chimangu; mapiri ndi mitunthu vikambanga paurongo pinu, ndipo miti ya mudondo yikakuwanga manja ghawo.

Yesaya 54:1

“Mbanga, wa chumba we, iwe wengavi kupapa; bangulanga pakumba ndipo bongonga ukongwa, imwe mulivi kuvwa urwirwi wakupapa! Pakuti ŵana ŵa chumba mbanandi kuruska ŵana ŵaku yo ngwakuŵirwa, atiti Ambuya.

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Nehemiya 9:23

Mungwandaniska mphapu zawo uli ndi nyenyezi za kuchanya, ndipo munguŵatole mu charu chenicho mungunene auskeu kwachiseremo ndi kuchihara.

Ŵeruzgi 5:3

“Vwani, mwa ŵakaronga; tegherezgani gutu, mwa mafumu; ku Ambuya ndi kambiyanga, ndikakoŵeranga ku Ambuya, Chiuta waku Yisraele.

Machitidu gha Ŵakutumika 8:8

Ndipo mwenga chimwemwe chikuru mu msumba muwa.

Jobu 12:23

Wakuzga mitundu ndi watiyibwanganduwa, watandaniska mitundu ndi watiyiparghang'a.

Yesaya 65:14

ehe, ŵateŵeti ŵangu ŵakambanga mu chimwemwe cha mtima kweni imwe mukaliyanga chifukwa cha kuŵaŵa kwa mtima, ndipo mukatenjenga chifukwa cha suzgu ya mzimu.

ŴaLevi 26:13

Ndine Ambuya Chiuta winu, yo wangukutuzgani mu charu cha Egipiti kuti mureke kuŵa ŵaŵanda ŵawo. Ine ndafyo mpiringizgu ya gori linu kuti mwende kwakunyoroka.

Ŵeruzgi 7:22

Penipo ŵanthu machumi pe chumi ghatatu (300), ŵangumba mbata zo Ambuya anguchitiska kuti lipanga la munthu yose lingulasa munyake kuzunguliya ugoŵi wose; ndipo liŵanja la nkhondo linguthaŵa kwachifika ku Beteshita kurata ku Zerera, kwachifika ku mphaka ya Abele-mehola, pafupi ndi Tabata.

Ŵeruzgi 8:12

Zeba ndi Zalmuna ŵanguthaŵa, ŵanguŵandondoloska ndi ŵanguŵako ŵakaronga ŵaŵi ŵaMidiyani, Zeba ndi Zalmuna, ndipo ŵangumbininiska liŵanja lose la nkhondo.

Yesaya 10:26

Ndipo Ambuya ŵa maŵanja akasoskiyanga paku wo likwechu, nge ndimo angukosole Midiani pa jarawe la Orebe, ndipo nthonga yawo yikaŵanga pachanya pa nyanja, ndipo akayisoskanga nge ndimo anguchitiya mu Egipiti.

Yesaya 14:5

Ambuya afyo nthonga ya ŵaheni, ndodo ya ufumu ya ŵeruzgi,