Yesaya 9:2 - Tonga Bible 1986

² Ŵanthu wo ŵangwenda mu mdima ŵawona kungweruka kukuru; wo ŵanguja mu charu cha mdima wakofya, ukweru waŵaŵaliya.

Yesaya 9:2 Referans Kwoze

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

ŴaEfeso 5:8

chifukwa kali mwenga mu mdima, kweni sono mwe kungweruka mu Mbuya: yendani ulaka mbana ŵa kungweruka

Yohane 12:46

Ndaza Kungweruka mu charu, alinga kuti yose wakuvwana mwaku ine wangajaririyanga mu mdima cha.

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Luka 2:32

ukweru wakuvumbuliya ŵaMitundu, ndi unkhankhu wa khamu linu Yisraele.”

Yesaya 60:19

Lumwi kuti likaŵanga ukweru winu cha ndi msana nanga mwezi ungaŵala kuti ukapaskanga imwe ukweru cha ndi usiku; kweni Ambuya akaŵanga ukweru winu wa muyaya, ndipo Chiuta winu ndiyu wakaŵanga unkhankhu winu.

Sumu 107:10

Ŵanyake ŵanguja mu mdima ndi mu munkhorwi, ŵakumangika ŵangusuzgika mu maunyolo;

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Sumu 107:14

Anguŵatuzga mu mdima ndimu munkhorwi, ndi kudumuwa ma unyoro ghawo.

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Yesaya 9:1

Kweni kuti kukaŵanga mdima cha kwaku yo wenga mu suzgu. Mu nyengo ya kale wangunyoza charu cha Zubuluni ndi charu cha Naftali, kweni mu nyengo ya pavuli wakakankhuskanga nthowa yakuya ku nyanja, charu cha kusirgha ku Yordane, Galile wa ŵamitundu.

Amosi 5:8

Yo wangupanga chirimila ndi mauta ndi wasanduska mdima kuŵa mlenji; ndi kufipiska msana kuŵa usiku, yo wadana maji gha nyanja ndi kughapunguriya pa chisku cha charu chapasi, Ambuya ndilo zina lawo,

Jobu 10:21

ndenga ndindaruti ko kuti ndamuweko so cha, charu cha munkharwe ndi mdima ukuru,

Ŵeruzgi 5:30

‘Ndiku kuti wasaniya miskowo sono ŵagaŵana? Mwali yumoza pamwenga ŵaŵi ku munthurumi we yose; miskowo ya vinthu vyakuzganga njaku Sisera, miskowo ya vinthu vyakuzganga, vyakuzgangika viŵi vya maŵangamaŵanga vyakudyoŵe khosi la wakupunda.’

Sumu 4:8

Mu chimangu ndigonenge pasi ndi ndirenge tulo; chifukwa imwe mwija, A Chiuta, mutindijariska mwakufwasa.