Yesaya 9:12 - Tonga Bible 1986

¹² ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yesaya 9:12 Referans Kwoze

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

2 Mikoka 28:18

ŴaFilisti nawo so ŵanguduma pa misumba ya Shefela ndi Negebu yaku Yuda, ndi ŵanguto Beteshemeshi, Aijaloni, Gederoti, Soko ndi mizi yake, Timna ndi mizi yake, ndi Gimzo ndi mizi yake, ŵanguja mwenimo.

Sumu 79:7

Ŵabaya ŵanthu ŵidu, ndi kupasuwa charu chidu.

2 ŴaKaronga 16:6

Pa nyengo yiya karonga wa Edomu wanguwezge Elata kwaku Edomu, wangudikiskamo ŵaYuda mu Elata, ndipo ŵaEdomu ŵanguza ku Elata, kweniko ŵanguja mpaka zuŵa lino.

Yeremiya 10:25

Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

Yeremiya 35:11

Kweni penipo Nebukadanezara karonga waku Babiloni wanguza kuzachirwa ndi charu ichi, tinguti, ‘Tiyeni tirutenge ku Yerusalemu pakopa wumba wankhondo wa ŵaKaldiya ndi nkhondo yaŵa Siriya.’ Viyo tija mu Yerusalemu.”

Yeremiya 4:8

Chifukwa chaku ichi vwarani chigudulu, liyani ndi bangurani; pakuti ukari wakofya wa Ambuya ulivi kuwerere vuli kutuwako kwidu.”

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Yesaya 11:14

Kweni ŵakakhumukiyanga pa phewa la ŵaFilisti kuchiri ku zambwe, ndipo wose pamoza ŵazamuskoŵa ŵanthu ŵaku vuma. Wazamutambaruliya janja lawo paku Edomu ndi Moabu, ŵina Amoni ŵakaŵavwiyanga.

Ezekiele 6:14

Ndikatambaluriyanga janja langu paku iwo, charu chikaŵanga phasulu ndi mapopa, mu mauja ghawo ghose, kutuwa ku bozwa mpaka ku Ribla. Penipo ndipo ŵakaziŵanga kuti ine ndine Ambuya.”

Ezekiele 16:27

Awona, chifukwa cho, ndatambasuliya janga langu paku iwe, ndi kuchepeska phande la vyakurgha vyako, ndi kukupereka ku ususi wa ŵarwani ŵako, ŵana ŵanthukazi ŵa ŵaFilisti, wo ŵanguchita soni ndi umoyo wako wa ukazuzi.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yeremiya 15:7

Ndaŵapepeta ndi chakupepete mu malikomo gha charu; ndaŵapaska chitima chanyifwa, ndaparghang'a ŵanthu ŵangu; ŵalivi kuweko ku nthowa zawo.

Hoseya 7:10

Kujikuzga kwaku Yisraele kuti musimikizga; ndipuuli kuti ŵawere kwa Ambuya Chiuta wawo cha, chingana nkhumupenja.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Amosi 4:8

viyo misumba yiŵi pamwenga yitatu yinguja ku msumba umoza kwachimwa maji, kweni kuti yingukhorwa cha; ndipuuli kuti munguwere kwaku ine cha,” atiti Ambuya.

Amosi 4:9

“Nkhakulanganinga ndi kachamba ndi kodi-kodi; minda yinu ndi minda ya mphereska ndayisanduska masara; miti yinu ya mkuyu ndi miti yinu ya maolivi yarghika yose ndi zombe; ndipuuli kuti munguwere kwaku ine cha,” atiti Ambuya.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.