Yesaya 8:8 - Tonga Bible 1986

⁸ ndipo ukapeyanga kurutiriya ku Yuda, ukasapatiyanga ndi kurutiriya kuurongo, kwachifika ndi ku khosi viyo, ndipo mapapa ghake ghakutambarukiya kubwalo ghakazazanga usani wa charu chako, Immanuele we.”

Yesaya 8:8 Referans Kwoze

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Yesaya 30:28

mvuchi wake we nge ndi kamsinji kakusapatiya, keniko kafika mpaka ku khosi; kusefa mitundu ndi sefa ya kuparghang'a, ndi kuŵika mu njegheyu za ŵanthu chakuphatika ku mlomo cho chipuruska.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Ezekiele 17:3

kuti, Viyo atiti Ambuya Chiuta: Nombo yikuru yakuŵa ndi mapapa ghakuru mavungwa ghatali, mavungwa gha mitundu yakupambanapambana, yinguza ku Lebanoni yinguto mphanda ya mlanje ya pachanya;

Yesaya 7:17

Ambuya akatolenga paku iwe ndi pa ŵanthu ŵako ndi pa nyumba ya ausu mazuŵa ghakuti ghalivi kuzapo kale kwamba penipo Efraimu wangutuliyako kwaku Yuda pa kuza ndi karonga wa Asiriya.”

Yesaya 8:10

Khomani fuzi pamoza, kweni yichitenge kanthu cha, kambani mazu, kweni kuti ghakamanga cha, pakuti Chiuta we nafwe pamoza.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Yeremiya 47:2

“Viyo atiti Ambuya: Ehe, maji ghasoka kutuwa ku nkhonde, ndipo ghakaŵanga mweza wakusapatiya: ghakazazanga charu ndi vyose vya mwenimo, msumba ndi ŵeniwo ŵaja mwaku wo. Ŵanthurumi ŵakaliyanga, ndipo yose wakujamo wakatenjenga.

Yeremiya 48:40

Pakuti viyo atiti Ambuya: “Ehe, wakaphururukanga uli ndi nombo, wakatambaruliyanga mapapa ghake paku Moabu;

Yeremiya 51:42

Nyanja yaza paku Babiloni; wabisika ndi mayigha ghake ghakuru ukongwa.

Ezekiele 26:19

“Pakuti viyo atiti Ambuya Chiuta. Po nditakuti ndakusanduska msumba wa mapopa, nge ndi misumba yo mulivi ŵanthu ŵakujamo, po ndikatoriyanga ndimba ya nyanja pachanya pako, ndi maji ghanandi kuti ghakuburumutizge,

Danyele 11:10

“Ŵana ŵake ŵarwenge nkhondo, ndi kuunganiska liŵanja likuru la ŵankhondo, wo ŵazenge kupasuwa ndi kuporota, ndipo ŵazamurutiriya kurwa mpaka ku linga lake.

Mika 1:9

Chifukwa chironda chake nchambura machizgika; ndipo chaza kwaku Yuda, chafika ku likomo la ŵanthu ŵangu, ku Yerusalemu.

Mika 5:5

Ndipo ichi chikaŵanga chimangu, po ŵaAsiriya ŵatuza mu charu chidundi kukanda pa dongo lidu, kuti timuyuskiye ŵaliska ŵankhonde ndi ŵaŵi, ndi ŵakaronga ŵankhonde ndi ŵatatu.

2 ŴaKaronga 17:3

Shalmanezara karonga wa Asiriya, wanguza kulimbana nayo; ndipo Hosheya wanguŵa nduna yake ya charu, ndipo wangupereka msonkho.

2 Mikoka 12:4

Wanguronda mizi ya malinga yaku Yuda ndi kufika ku Yerusalemu.