Yesaya 8:7 - Tonga Bible 1986

⁷ chifukwa cho, ehe, Ambuya atuza ndi maji gha msinji wo paku iwo, gha nthazi ndi ghanandi, karonga wa Asiriya ndi unkhankhu wake wose, ndipo ukayukiyanga pa misisi yake yose ya maji kuŵenuka pa malikumba ghake ghose;

Yesaya 8:7 Referans Kwoze

Amosi 9:5

Ambuya, Chiuta wa maŵanja, yo wakwaska charu chapasi ndipo chisongonoka, ndi wose wo ŵaja mwaku cho ŵatenje, ndipo chose chiyuka nge ndi Nile ndipo chibila so, nge ndi Nile waku Egipiti;

Amosi 8:8

Kumbi charu kuti chitenthemenge cha pa chifukwa ichi, ndi munthu yose kuliya yo wajamo, ndi chose kuyuka nge ndi Nile, ndi kupong'eka ndi kubizgika so, nge ndi Nile waku Egipiti?”

Yesaya 7:20

Mu zuŵa lo Ambuya akametanga ndi lwembe lo labwerekeka pa sirgha la msinji wo pamoza ndi karonga wa Asiriya mutu ndi cheya cha mu marundi, ndipo likametanga ndi mwembe viyo.

Yesaya 7:17

Ambuya akatolenga paku iwe ndi pa ŵanthu ŵako ndi pa nyumba ya ausu mazuŵa ghakuti ghalivi kuzapo kale kwamba penipo Efraimu wangutuliyako kwaku Yuda pa kuza ndi karonga wa Asiriya.”

Chiyambo 6:17

Pakuti ndikatoliyanga zandi wa maji pa charu kunanga nyama chakurengeka chose chamoyo mu charu cha pasi; chinthu chose chapa charu chapasi chikafwanga.

Chivumbuzi 17:15

Ndipo mungelo wangunena nane, “Maji gho unguwona, po waja munthukazi-mureŵi yo, ndigho makamu, ndi mizinda, ndi mitundu, ndi marongororedu.

Nahumu 1:8

Kweni ndi kusapatiya kwa zandi amalizgiyenge limu ŵakupindikana nawo, ndi kudikiskiya ŵarwani ŵawo ku mdima.

Danyele 11:22

Nkhondo zipeyekenge paurongo pake ndi zimarenge, chingana ndi karonga wa phanganu nayo.

Danyele 11:10

“Ŵana ŵake ŵarwenge nkhondo, ndi kuunganiska liŵanja likuru la ŵankhondo, wo ŵazenge kupasuwa ndi kuporota, ndipo ŵazamurutiriya kurwa mpaka ku linga lake.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Yesaya 59:19

Viyo ŵakawopanga zina la Ambuya kutuwa ku zambwe, ndi unkhankhu wake kwamba kukutuliya dazi, pakuti wakazanga nge nkhamsinji ka mweza, ko kadikiskika ndi mphepo ya Ambuya.

Yesaya 28:17

“Ndipo ndikachitanga cheruzgu chirunji kuŵa chingwe, ndi urunji chingwe chakumikiya kwakinyoroska; vuwa ya matalala yikapeyanga mphanji ya maboza, maji ghakaburumutizganga malo ghakubisamapo.”

Sumu 72:8

Wausenge kutuliya ku nyanja; mpaka ku nyanja; kutuwa ku msinji Efrate mpaka ku vigoti vya charu.

Luka 6:48

Wakozgana ndi munthu wakuzenga nyumba mweniyo wangukumba pasi ndi wangunyonyoska, ndi wanguŵika chiŵanja pa jarawe: ndipo pakuŵapo zandi, msinji ungukukurwiyapo pa nyumba yiya, ndipo yengavi nthazi kuyisukung'a: chifukwa yinguzengeka umampha.

Ezra 4:10

ndipo so ndi ŵamitundu wo karonga Osonapara wanguserezga mu mizi ya Samaria ndi mu vigaŵa vinyake sirgha liya la msinji.

2 ŴaKaronga 19:32

“Chifukwa cho atiti Ambuya pa karonga wa Asiriya kuti: Ŵakazanga mu misumba uwu pamwenga kupong'amo muvwi mo cha pamwenga kuza paurongo pake ndi zinguru nanga nkhuwuzinga ndi chimbumira nako so cha.

Yesaya 10:5

A! Asiriya nthonga ya kukara kwangu, ndodo ya ukari wangu!

Yesaya 10:16

Viyo Ambuya, Ambuya ŵa maŵanja akatumanga urwali wakondeska mukati mu ŵankhondo ŵawo ŵakututuŵa, ndipo pasi pa unkhankhu wawo kukole kukakozgekanga, uli nkhukole kwa moto.

Yesaya 11:15

Ndipo Ambuya akamariyanga limu lilime laku nyanja ya Egipiti; ndipo wakazungung'anga janja lawo pa Msinji ndi mphepo yawo yakocha, kuwukoso mu ngalonde zinkhonde ndi ziŵi alinga kuti ŵanthu ŵambukenge pa yumu.

Yesaya 28:2

Ehe, Ambuya ŵe nayo yumoza yo ngwakulimba ndi wanthazi, uli chimphunga cha nya, lirondo lakubwanganduwa, uli nchimphunga cha kulimba, chakusapatiska maji, wakapong'anga pa charu chapasi ndi ukari.

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Yeremiya 47:2

“Viyo atiti Ambuya: Ehe, maji ghasoka kutuwa ku nkhonde, ndipo ghakaŵanga mweza wakusapatiya: ghakazazanga charu ndi vyose vya mwenimo, msumba ndi ŵeniwo ŵaja mwaku wo. Ŵanthurumi ŵakaliyanga, ndipo yose wakujamo wakatenjenga.

Yeremiya 51:42

Nyanja yaza paku Babiloni; wabisika ndi mayigha ghake ghakuru ukongwa.

Ezekiele 26:19

“Pakuti viyo atiti Ambuya Chiuta. Po nditakuti ndakusanduska msumba wa mapopa, nge ndi misumba yo mulivi ŵanthu ŵakujamo, po ndikatoriyanga ndimba ya nyanja pachanya pako, ndi maji ghanandi kuti ghakuburumutizge,

Mika 1:9

Chifukwa chironda chake nchambura machizgika; ndipo chaza kwaku Yuda, chafika ku likomo la ŵanthu ŵangu, ku Yerusalemu.

Mika 5:5

Ndipo ichi chikaŵanga chimangu, po ŵaAsiriya ŵatuza mu charu chidundi kukanda pa dongo lidu, kuti timuyuskiye ŵaliska ŵankhonde ndi ŵaŵi, ndi ŵakaronga ŵankhonde ndi ŵatatu.

Sumu 46:4

Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

Yesaya 28:15

Pakuti mwakamba kuti, “Tachita phanganu ndi nyifwa, ndi muunda tazomerezgana; asani likhwechu likuru lakapo kuti likazanga kwaku ifwe cha, pakuti maboza ndigho tato kuŵa chakudingang'amo chidu, ndipo mu utesi ndimo tabisama;”

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.