Yesaya 8:21 - Tonga Bible 1986

²¹ Wakayendanga mu charu, ŵakusuzgika ukongwa ndi ŵakuvwa nja, ndipo penipo ŵakaŵanga ndi nja ŵakakaripanga ndi watembenge karonga wawo ndi Chiuta wawo, ndipo ang'anamuskiyenge maso ghawo kuchanya,

Yesaya 8:21 Referans Kwoze

Yesaya 9:20

Ŵakwamphuwa ku marghe, kweni ŵeche ndi nja mbwenu, ndipo ŵaturgha ku maze, kweni kuti ŵaguta cha, we yose waturgha nyama ya munyake,

Nthanthi 19:3

Penipo ubeleŵeza wa munthu utole nthowa yake ku phasulu, mtima wake ukalipiya Ambuya.

Yeremiya 52:6

Pa zuŵa la chinkhonde ndi ghanayi la mwezi wa chinayi chilala chenga chikuru mu msumba, ndipo mwengavi kurgha kwa ŵanthu mu charu.

Yeremiya 14:18

Asani ndituya ku munda, ehe, wo ŵabayika ndi lipanga! Ndipo asani ndisere mu muzi, ehe, ŵakubayika ndi chilala! Pakuti wose ŵaŵi mchimi ndi mzukuru ŵachita nchitu yawo mu charu mo, ndipo ŵalivi zeru.’ ”

Jobu 2:9

Viyo muwoli wake wanguti kwaku iyo, “Kumbi weche kungangamikiya pa urunji wako? Umunyozi Chiuta mwakuti ufwe.”

Jobu 2:5

Kweni tambasuwani janja linu sono ndi kwaskani chiwanga chake ndi nyama yake, ndipo wakamutonyoraninga pa maso pinu.”

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

2 ŴaKaronga 25:3

Pa zuŵa la chinkhonde ndi chinayi la mwezi wa chinayi, chilala chinguŵa chikuru mu muzi mwengavi vyakurgha ku ŵanthu.

Chituwa 22:28

“Ungatukanga Chiuta cha, chingana nkhutemba mweruzgi wa ŵanthu ŵako.

2 ŴaKaronga 6:33

Ndipo penipo weche kurongoro nawo, karonga wanguza ndi wanguti, “Suzgu iyi njakutuliya ku Ambuya! Kafukwa nkhane kakuti ndilindizgenge mbwenu ku Ambuya?”

ŴaLevi 24:11

ndipo mwana wa munthukazi yo muYisraele wangusakaza zina la Ambuya ndi wangutemba. Viyo wanguza nayo kwaku Mosese. Zina la nyina wake lenga Shelomiti mwana munthukazi waku Dibri wa fuko laku Dani.

1 Samuele 8:18

Ndipo mu zuŵa liya mwazamuliya chifukwa cha karonga winu, mweniyo mwasankha mwaŵeni; zuŵa liya kuti mwazamukuvwa kwamuka kwa Ambuya cha.”

Jobu 18:12

Nthazi zake zangwereruka ndi nja, ndipo masoka ghakumuguŵiska ghakhazga.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yesaya 14:30

Ndipo waumwali wa musauchi wakarghanga, wanja wakalanga pasi mu Chimangu, kweni ndikabayanga msisi winu ndi nja, ndipo wakujapo winu ndikakosonga.

Yesaya 51:19

Ivi vinthu viŵi vyakuwiya iwe njani yo wakatenjenga nawe? Pharghaniku, ndi wanangiku, nja ndi lipanga; njani wakakusangaruskanga?

Yesaya 59:9

Chifukwa chenichi cheruzgu chirunjiche kutali ndi ifwe, ndipo ukongorekwa kuti utitisaniya cha; tipenja ukweru, ndipo ehe, ndi mdima, tipenja kungweruka, kweni titenda mu munkhorwe.

Yesaya 65:13

Chifukwa chenichi atiti viyo Ambuya Chiuta: “Ehe, ŵateŵeti ŵangu ŵakarghanga, kweni imwe mukaŵanga ŵanja; ehe, ŵateŵeti ŵangu ŵakamwanga, kweni imwe mukaŵanga ŵanyota; ehe, ŵateŵeti ŵangu ŵakakondwanga, kweni imwe mukalengeskekanga;