Yesaya 8:16 - Tonga Bible 1986

¹⁶ Umange ukaboni, zingiriyi kusambizga ko mukati mu ŵasambizi ŵangu.

Yesaya 8:16 Referans Kwoze

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

ŴaHebere 3:5

Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

Marko 4:34

kweni kwambura ntharika kuti wangurongoro nawo cha: kweni ku ubende wasambizi ŵake waŵafwatuliyanga vyose.

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chivumbuzi 10:4

Po vidiririzi vyo vinkhonde ndi viŵi vingugunda ndatinge ndilembenge; kweni ndinguvwa mazu ghakutuwa kuchanya, ghakuti, “Zighiriyapo. Vidiririzi vyo vinkhonde ndi viŵi vyakamba ungavilembanga cha.”

Chivumbuzi 5:5

ndipo yumoza wamu ŵara wo wangunena nane, “Ungaliyanga cha: awona, Nkharamu yo yamu fuku laku Yuda, nkhorozu yaku Davidi yo yapunda ndiyo yiziŵa kubanuwa buku lakuzinga ndi vizighiri vyake vinkhonde ndi viŵi.”

Chivumbuzi 5:1

Ndipo ndinguwona mujanja lamarghe laku Mweniyo wajanga pa chitengu-chaufumu chobuku lakulembeka mukati ndi ku msana, lakuzighirika ndi vizighiri vinkhonde ndi viŵi.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

Marko 10:10

Ndipo mu nyumba ŵasambizi ŵangumfumba so paku chenichi.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

2 ŴaKaronga 11:12

Sono wangutuzga mwana wa karonga wangumuvwarika chifuku wangumupaska phanganu, ndipo wangumumemeza kuti ndi karonga, wangumupaka mafuta, sono wose ŵangumba manja ghawo ndi ŵanguti, “Waŵe ndi umoyo utali karonga!”

Marangu 4:45

Ivi ndivyo makani ndi vilayizgu, ndi vyeruzgu vyenivyo Mosese wangukambiya ŵana ŵaku Yisraele pavuli pa kutuwa kwawo mu Egipiti.

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.