Yesaya 8:10 - Tonga Bible 1986

¹⁰ Khomani fuzi pamoza, kweni yichitenge kanthu cha, kambani mazu, kweni kuti ghakamanga cha, pakuti Chiuta we nafwe pamoza.

Yesaya 8:10 Referans Kwoze

Chitenje 3:37

Njani wakulangula ndipo chikuchitika, kwambura kuti Ambuya alangula?

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Jobu 5:12

Wang'anamuskiya panyake fundu za ŵanthu ŵarghargha, mwakuti manja ghawo ghareke kufiska cho ŵakhumba.

Nthanthi 21:30

Palivi zeru, palivi kuwamo, palivi pangizgu, vyo vingawovya kumikana ndi Ambuya.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

2 Samuele 15:31

Ndipo kunguneneka kwaku Davidi kuti, “Ahitofele njumoza mukati mu ŵachigaruka chaku Absalomu.” Davidi wanguti, “A! Ambuya, ndimurombani, usanduskeni wakupusa upu waku Ahitofele.”

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

2 Mikoka 13:12

Wonani Chiuta wendi ifwe, ndiyo chirongozi widu, ndi ŵazukuru ŵake ndi mbata zakumba tichirwa nkhondo ndi imwe. Imwe mwa ŵana ŵaku Yisraele rekani kurwana ndi Ambuya Chiuta wa ambuyamwe; chifukwa mwanduwengepo kanthu cha.”

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

ŴaRoma 8:13

chifukwa asani mujariya ŵamoyo kwakulingana ndi nyama, mukafwanga; kweni asani ndi Mzimu mufwiska machitidu gha liŵavu lo, muŵenge wamoyo,

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yesaya 8:8

ndipo ukapeyanga kurutiriya ku Yuda, ukasapatiyanga ndi kurutiriya kuurongo, kwachifika ndi ku khosi viyo, ndipo mapapa ghake ghakutambarukiya kubwalo ghakazazanga usani wa charu chako, Immanuele we.”

2 Samuele 17:4

Fundu iyi yingukondweska Absalomu ndi ŵara wose ŵaku Yisraele.

Chiyambo 21:22

Pa nyengo yeniyiya Abimeleke ndi Phikolo wakulamula liŵanja lake la nkhondo wanguti kwaku Abrahamu, “Chiuta we nawe mwaku chenicho uchita;

Yesaya 28:18

Sono phanganu linu ndi nyifwa likamaranga ndipo kuzomerezgana kwinu ndi nyifwa kuti kukaŵangapo cha; penipo likhwechu likuru lijumpha mukapumikanga nalo.

Yesaya 43:5

Mungopanga cha, pakuti nde namwe pamoza; ndikakuziyaninga ndi mphapu yinu kutuwa ku vuma, ndipo kutuwa ku zambwe ndikamuwunjikaninga.

Yeremiya 42:11

Rekani kopa karonga wa Babiloni, mweniyo mutopa, rekani kumopa, atiti Ambuya, pakuti ine nde namwe pamoza, kumuwomboni ndi kumutaskani ku janja lake.

Yeremiya 46:28

Reka kopa, Yakobe we, wa muŵanda wangu, atiti Ambuya, pakuti nde nawe pamoza. Ndikachitanga umari wakufikapo wa mitundu yose yeniyo ndakudikiskiyako, kweni iwe kuti ndikuchitenge umari wakufikapo cha. Ndikakulanganga kwakurunjika, viyo kuti ndikalekangapo cha kukulanga.”

Yoele 3:9

Wandiskani ichi mu mitundu: nozgani nkhondo; yuskani vinkhara. Ŵarekeni ŵankhondo wose ŵandere pafupi; ŵarekeni ŵakwere.

Maŵerengedu 14:9

chimoza pe nchakuti, mureke kugalukiya Ambuya; ndipo mungawopanga ŵanthu ŵa charu chiya cha pakuti tikaŵarghanga nge nchiŵande ŵalivi kuvikirika sono, ndipo Ambuya ŵendi ifwe mungawopanga iwo cha.”

2 ŴaKaronga 6:12

Ndipo yumoza wa ŵateŵeti ŵake wanguti, “Palivi nanga njumoza, mbuyangu karonga, kweni Elisha, mchimi yo, mweniyo wemu Yisraele, ndiyo wanene karonga wa Yisraele mazu gho imwe murongoro mu chipinda chinu chakulamo.”

Sumu 21:12

Pakuti muŵadikiskenge; ndi mauta ghinu mudunjikenge pa visku vyawo.

Sumu 46:8

Zaninga, wonani nchitu za Ambuya, mo achitiya mapopa mu charu.

Yesaya 14:27

Pakuti Ambuya ŵa maŵanja ŵakhazga fundo, na njani wangakanizga? Janja lawo latambaruka, njani wakaliwezganga?

Hagayi 1:13

Viyo Hagayi thenga la Ambuya, wanguŵanene ŵanthu ndi za uthenga wa Ambuya, wakuti, “Nde namwe, atiti Ambuya.”