Yesaya 7:4 - Tonga Bible 1986

⁴ ndipo ukati kwaku iyo, ‘Chenje, utaka cheti, ungopanga cha, ndipo mtima wako ungalakatuka cha chifukwa cha vipandu ivi viŵi vya moto, pa kukara kwakofya kwaku Rezini ndi Siriya, pamoza ndi mwana waku Remaliya.

Yesaya 7:4 Referans Kwoze

Yesaya 35:4

Ku ŵa mtima wa mantha unene, “Nkhwimani, kopa cha! Ehe, Chiuta winu wakazanga ndi thayu, ndi kuwezge nduza kwaku Chiuta. Wakazanga kumutaskani.”

Chitenje 3:26

Nkhwamampha kuti munthu walindizgenge utaski wa Ambuya, chisisi.

Yesaya 30:15

Pakuti viyo atiti Ambuya Chiuta, Mtuŵa yo Yumoza waku Yisraele, “Pakuwe ndi kupumuwa mukataskikanga; mu chisisi ndi mu chigomezgu mukaŵanga nthazi yinu.”

Marangu 20:3

ndipo wakambenge kwaku wo, ‘Avwani, ŵaYisraele mwe, msana wale mundere kufupi kukurwana ndi ŵarwani ŵinu: mtima winu ungafipanga cha. Mungawopanga cha, chingana nkhunjenjeme, pamwenga kutenthema chifukwa chaku wo.

Mateyu 24:6

Ndipo muvwenge zinkhondo ndi mbiri za zinkhondo; wonani, mungopanga cha: chifukwa vikaŵangapo vyenivyo; kweni kamaridu kuti ndikeniko cha.

Zekariya 3:2

Ndipo Ambuya anguti kwaku Satana, “Ambuya akuchenye iwe Satana! Ambuya wo asankha Yerusalemu akuchenye! Kumbi ndatinge ichi nchisindi chakubulika ku moto?”

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Yesaya 30:7

Pakuti chovyu cha Egipiti nchawaka ndi nchiyumu, chifukwa cho ndamudana “Rahabu yo waja pasi chisisi.”

Yesaya 10:24

Viyo atiti, Ambuya ŵa maŵanja: “Owe mwa ŵanthu ŵangu, mwa ŵakuja mu Zioni, rekani kuwopa ŵaAsiriya ŵachikoso ndi nthonga ndi kusoske ndodo yawo paku imwe nge ndimo ŵanguchitiya ŵaEgipiti.

Yesaya 8:4

pakuti wenga wandiziŵe kudana mwana ‘Ada,’ pamwenga ‘ama,’ usambasi wa Damasko ndi vyakuskoŵa vya Samaria vikatolekanga kuruta navyo paurongo pa karonga wa Asiriya.”

Yesaya 7:8

Pakuti mutu waku Siriya ndi Damasko, ndipo mutu waku Damasko ndi Rezini. “ ‘Mukati mu virimika machumi ghankhonde ndi limoza pachanya vinkhonde (65) Efraimu wakaswekanga tumanatumana viyo kuti wakaŵanga khamu la ŵanthu so cha.

1 Samuele 17:32

Davidi wanguti kwaku Sauli, “Mtima wa munthu ureke kugongowa chifukwa chaku iyo; ndamuŵanda winu ndirutenge kwachirwana ndi muFilisti yuwa.”

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 7:1

Mu mazuŵa ghaku Ahazi mwana waku Yotamu, mwana waku Uziya, karonga wa ŵaYuda, Rezini, karonga wa Siriya ndi Peka mwana waku Remaliya karonga waku Yisraele ŵangukwere ku Yerusalemu kwachipong'a nkhondo paku wo, kweni kuti ŵanguwupunda cha.

Yesaya 7:9

Ndipo mutu waku Efraimu ndi Samaria, ndipo mutu wa Samaria ndi mwana waku Remaliya. Asani kuti mukavwananga cha, kwakunenenska kuti mukajarikikanga cha.’ ”

Yesaya 37:6

Yesaya wanguti kwaku wo, “Mukakambe ku mbuyamwe, ‘Ambuya atiti, Ungopanga cha chifukwa cha mazu gho wavwa, ghenigho ŵateŵeti ŵa karonga wa Asiriya wandilambwaza nagho.

2 ŴaKaronga 15:27

Mu chirimika cha machumi ghankhonde ndi viŵi chaku Azariya karonga waku Yuda Peka mwana waku Remaliya wangwamba kuwusa paku Yisraele mu Samaria, ndipo wanguwusa virimika machumi ghaŵi.

Yesaya 8:6

“Chifukwa ŵanthu yaŵa ŵakana maji gha Siloya, gho ghapopoma wenguwengu, ndipo ŵaŵa ndi chofyu paurongo paku Rezini ndi mwana waku Remaliya;

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.