Yesaya 7:1 - Tonga Bible 1986

¹ Mu mazuŵa ghaku Ahazi mwana waku Yotamu, mwana waku Uziya, karonga wa ŵaYuda, Rezini, karonga wa Siriya ndi Peka mwana waku Remaliya karonga waku Yisraele ŵangukwere ku Yerusalemu kwachipong'a nkhondo paku wo, kweni kuti ŵanguwupunda cha.

Yesaya 7:1 Referans Kwoze

2 ŴaKaronga 15:37

Mu mazuŵa ghenigha Ambuya angwamba kutuma, Rezini karonga wa Siriya ndi Peka mwana waku Remaliya kwachirwana ndi Yuda.

2 ŴaKaronga 16:1

Mu chirimika cha chumi pachanya vinkhonde ndi viŵi chaku Peka mwana waku Remaliya, Ahazi mwana waku Yotamu, karonga waku Yuda, wangwamba kuwusa.

Yesaya 8:6

“Chifukwa ŵanthu yaŵa ŵakana maji gha Siloya, gho ghapopoma wenguwengu, ndipo ŵaŵa ndi chofyu paurongo paku Rezini ndi mwana waku Remaliya;

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

2 ŴaKaronga 15:25

Ndipo Peka mwana waku Remaliya, nduna yake, wangumuchitiya chiŵembu pamoza ndi ŵanthu machumi ghankhonde ŵina Gileada, ndipo ŵangumubayiya mu Samaria, mu linga la nyumba ya karonga; wangumubaya, ndipo wanguwusa mu malo ghake.

2 ŴaKaronga 15:27

Mu chirimika cha machumi ghankhonde ndi viŵi chaku Azariya karonga waku Yuda Peka mwana waku Remaliya wangwamba kuwusa paku Yisraele mu Samaria, ndipo wanguwusa virimika machumi ghaŵi.

2 ŴaKaronga 16:5

Rezini karonga wa Siriya ndi Reka mwana waku Remaliya, karonga waku Yisraele, ŵangukwera kwachirwa ndi Yerusalemu, ndipo ŵanguzinga Ahazi kweni ŵangutondeka kumuthereska.

Yesaya 9:11

Viyo Ambuya ŵayuskiya ŵakupindikana ŵawo, asonkhezga ŵarwani ŵawo.

Ezekiele 27:16

Edomu wanguchita nawe maronda chifukwa cha vyamampha vyako vinandi; wangugulana nawe mya yakuzirwa, vyakufyuŵara, vya maŵanga-maŵanga bafuta wakutowa, malikorombe, ndimya yiyera yakuzirwa.

Hoseya 1:1

Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.