Yesaya 6:2 - Tonga Bible 1986

² Pachanya paku iwo panguma ŵaserafi, yumoza ndi yumoza wenga ndi mapapa ghankhonde ndi limoza, ndi mapapa ghaŵi wanguvimba chisku chake, ndi ghaŵi wanguvimba marundi ghake, ndipo ndi ghaŵi wanguphururuka.

Yesaya 6:2 Referans Kwoze

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

Ezekiele 1:11

Viyo ndimu vinguŵiya visku vyawo. Mapapa ghawo ghangutambasukiya kuchanya; chamoyo chose chenga ndi mapapa ghaŵi, limoza laku gho ghaŵi lingukorana ndi phapa linyake, po ghaŵi ghangubenekere maliŵavu ghawo.

Sumu 104:4

Muchitiska zimphepo nge ndi mathenga ghinu, kumwetuka kwa limphezi nge mbateŵeti ŵinu.

Sumu 103:20

Rumbani Ambuya, mose mwa ŵangelo ŵawo, mwa vilimbi vyanthazi, mwakuvwiya marangu ghawo, mwa ŵakutegherezga kwaku vyo akamba!

Yesaya 6:6

Sono yumoza wa ŵaserafi wanguphururukiya kwangu, wakuŵa ndi ga lakukole mu janja lake lenilo wanguto ndi mbanu pa chiguŵa cha sembe.

Sumu 18:10

Wangukwera pa kerubi, wanguphururuka; wanguwuluka ruŵi pa mapapa gha mphepo.

1 ŴaKaronga 6:24

Mikono yinkhonde ndiwu wenga utali wa phapha limoza la kerubi, ndi mikono yinkhonde utali wa phapha linyake la kerubi; kutuwa pa songo pa phapha limoza kuya pa songo pa linyake penga utali wa mikono chumi.

Chivumbuzi 14:6

Ndinguwona mungelo munyake wakuwuluka mude mukati, wakuŵa ndi evangeli wamuyaya kwachitauliya ŵakuja pa charu chapasi, ndi ku mtundu wose ndi fuku ndi karongororedu ndi khamu:

Chivumbuzi 8:13

Ndingulereska, ndipo ndinguvwa nombo yakuwuluka mude mukati, yakuliya ndi mazu ghakuru, “Owe! Owe! Owe kwaku wo mbakuja pa charu, chifukwa cha mazu gha mbata zakujapo za ŵangelo ŵatatu wo ŵakhumbanga kukuŵa.”

Chivumbuzi 7:11

Ndipo ŵangelo wose ŵanguma kwakuzunguliya ŵara wo ndi vyamoyo vyo vinayi; ndipo ŵanguwa kavunama paurongo pa chitengu-chaufumu, ndi kumlambiya Chiuta,

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Ezekiele 10:21

Yose wenga ndi visku vinayi, mapapa ghanayi, ndipo kusi ku mapapa ghawo kwenga kawonekero ka manja gha munthu.

Ezekiele 1:24

Ndipo po vyarutanga, ndinguvwa kamphomezi nge nkhamphomezi ka maji ghanandi, nge nkhundiririska kwa Wanthazizose, kamphomezi kakofya nge nkhamphomezi ka mzinda; po vinguma jo vingusiskiyapasi mapapa ghawo.

Ezekiele 1:9

Mapapa ghawo ghangukorana limoza ku linyake; vyose vyendanga kwakunyoroka kurazga ku nthazi, kwambura kung'anamuka pa kwenda.

Ezekiele 1:6

kweni chimoza ndi chimoza chenga ndi visku vinayi, ndi mapapa ghanayi.

Jobu 15:15

Ambuya kuti ŵagomekezga ŵanthu ŵawo ŵarunji cha, nanga ndi machanya kuti ngakuphotoka cha, mu maso ghawo;

Jobu 1:6

Ndipo linguŵapo zuŵa po ŵana ŵaku Chiuta ŵanguza kuzachijirongo pa maso gha Ambuya, ndipo Satana nayo wanguza mwaku wo.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

1 ŴaKaronga 8:7

Pakuti makerubi ghangutambaruliya mapapa ghawo pa bokosi la phanganu, viyo kuti makerubi ghangubenekere pachanya pa bokosi ndi minthambi yake.

1 ŴaKaronga 6:27

Wanguŵika makerubi mu malo gha mukati ukongwa gha nyumba, ndipo mapapa gha makerubi ghangutambaruka, mwakuti phapha la kerubi yumoza lingukwaska chimati ichi, phapha la kerubi munyake lingukwaska chimati chiya, ndipo mapapa ghawo ghanyake ghangukwaskana pakati pa nyumba.

Chituwa 37:9

Ŵakerubi ŵangutambaruliya mapapa ghawo kuchanya, kuvimba pachanya pa chitengo cha lisungu ndi mapapa ghawo, ndi kulereskana visku vyawo; ŵakerubi ŵangulereska kurazga ku chitengo.

Chituwa 25:20

Ŵakerubi, ŵakasoskiyanga mapapa ghowo pachanya, kuvunikiriya chitengo cha lisungu ndi mapapa ghawo, kuratana visku vyawo, kurata ku chitengo cha lisungu ndimo ŵaŵiyenge ŵakerubi.

Sumu 89:7

Chiuta wakopeka mu upu wa ŵakupaturika, mura ndi wakofya pachanya paku wose ŵakumuzunguliya.

Jobu 4:18

Wati ŵagomezga cha nanga mbateŵeti ŵake, ŵangelo ŵake nawo watiti mbakubuda;

1 ŴaKaronga 19:13

Ndipo Eliya wanguguhavwa, wangubenekere chisku chake mu chirundu chake, wangutuwa ndi wanguma pa khomo la mphanji. Ndipo ehe, kunguza mazu kwaku iyo; ghakuti, “Uchitanji pano Eliya?”

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

Chiyambo 17:3

Sono Abramu wanguwa pasi kavunama; ndipo Chiuta wanguti kwaku iyo,

ŴaHebere 1:7

Ndipo ku ŵangelo nawo watiti, “Yo ngwakuŵachita ŵangelo ŵake zimphepu, ndi ŵamirizi ŵake mlipu wa motu.”

Luka 1:10

Ndipo mzinda wose wa khamu warombanga kubwaro pa ora la chema.

Zekariya 3:4

Ndipo mungelo wa Ambuya wakambanga ndi wo ŵanguma panthazi pake, kuti, “Mzuweni vyakuvwala vyakufipa”; ndipo kwaku iyo wanguti, “Nadi, ndatuzgako kwananga kwako kwaku iwe, ndipo ndikuvwalikenge vyakuzirwa.”

Danyele 9:21

ndichikamba mu kuromba, munthu Gabiriele, yuwa ndingumuwona mu chiwona pakudanga, wanguza kwaku ine wakuŵatuka kwaruŵi panyengo ya sembe ya mazulo.

Ezekiele 10:16

Ndipo po makerubi gharutanga, mikombelo yingwenda pamoza nagho; po makerubi ghangusoska mapapa ghawo kuti ghaphururuke kutuwa kucharu, mikombelo kuti yingutuwako cha.

Ezekiele 1:4

Po ndingulereska, awonani, mphepo ya Kavuru-vuru yinguza kutuliya ku nkhonde, ndi bingu likuru, ndi ukweru wakulizunguliya, ndi moto walipukanga rutaruta, mukati mwa moto mwenga dangalira la mkuŵa.

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.