Yesaya 6:1 - Tonga Bible 1986

¹ Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.

Yesaya 6:1 Referans Kwoze

Yohane 12:41

Vyenivi wangukamba Yesaya, pakuti wanguwona unkhankhu wake; ndipo wangurongoro vyapaku iyo.

Chivumbuzi 15:8

Ndipo kasopi wanguzazika ndi usi wakutuwa ku unkhankhu waku Chiuta ndi ku nthazi yake; ndipo pengavi yumoza wanguziŵa kusere mu kasopi mo, mpaka vingumara videru vyo vinkhonde ndi viŵi vya ŵangelowo ŵankhonde ndi ŵaŵi.

Danyele 7:9

Ndeche kulereska, vitengo vinguŵikikapo ndipo mura yumoza wa mazuŵa gha mwaka wangu ja pa mpando wake; vivwalo vyake vyenga vituŵa nge ndi nyankhuŵinda ndi sisi laku mutu wake nge ndi weya utuŵa; chitengo chake chenga nge ndi mlipu wa moto, nkhata zake zenga moto wakukole.

Sumu 113:5

Kulivi nanga njumoza wakuyana ndi Ambuya Chiuta widu; aja pa chitengo chawo kuchanya.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Sumu 108:5

Mutumphuskike, A Chiuta, pachanya pa machanya; unkhankhu winu uŵe pa charu chose chapasi!

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Chivumbuzi 5:1

Ndipo ndinguwona mujanja lamarghe laku Mweniyo wajanga pa chitengu-chaufumu chobuku lakulembeka mukati ndi ku msana, lakuzighirika ndi vizighiri vinkhonde ndi viŵi.

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Chivumbuzi 4:10

ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Ezekiele 10:1

Ndingulereska, ndipo ehe, pa mtambo uwa wenga pachanya pa mitu ya makerubi panguwoneka pachanya pawo chakukozgana ulaka ndi mwa wa satire, mu kaŵiro ka chitengo cha ufumu.

Ezekiele 1:1

Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.

Yesaya 12:4

Ndipo mukakambanga mu zuŵa leniliya: “Paskani viwongu ku Ambuya, danani pa zina lawo, ziŵiskani nchitu zawo mukati mu mitundu, memezani kuti zina lawo lakuzgika.

Chivumbuzi 6:16

ndi kughanene mapiri ndi majarawe, “Wiyani paku ifwe, ndi tivunikiriyeni ku chisku chaku mweniyo waja pa chitengu-chaufumu cho, ndi ku kandundu ka Mwana-mberere,

2 ŴaKaronga 15:7

Ndipo Azariya wangula pamoza ndi ŵambuyake, ndipo ŵangumuŵika mu msumba waku Davidi, sono Yotamu mwana wake wanguwusa mu malo ghake.

Chivumbuzi 5:7

Ndipo wanguza, wanguto buku mu janja lamarghe laku Mweniyo wajanga pa chitengu-chaufumu cho.

Chivumbuzi 4:3

Ndipo yo wangujapo mu kawonekedu wangukozgana ndi mwa wa jasperendi karneliyani: ndipo kuzingiriya chitengu-chaufumu cho penga chiŵingavuwa, chakukozgana ndi mwa wa emeraldo.

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

2 Mikoka 18:18

Viyo Mikaya wanguti, “Pa chifukwa ichi vwani sono mazu gha Ambuya: Ndinguwona Ambuya aja pa chitengo chawo ndi liŵanja lose lakuchanya lama ku janja lamarghe ndi ku janja lamaze;

Ezekiele 10:4

Ndipo unkhankhu wa Ambuya ungukwera kutuwa pa makerubi kuza pa chiwundu cha nyumba; mtambo unguzaza nyumba, sono luluwa linguzazika ndi kugadima kwa unkhankhu wa Ambuya.

Danyele 10:17

Ndingaziŵa uli ine mteŵeti winu Mbuya kukamba ndi Imwe Mbuya wangu? Chifukwa sono nthazi zose zamara ndi mvuchi nawo wamara.”

Chituwa 24:9

Sono Mosese ndi Aroni, Nadaba, ndi Abihu ndi ŵaraŵara ŵa ŵaYisraele machumi ghankhonde ndi ghaŵi (70) ŵangukwera,

Jobu 42:5

Ndingumuvwani ndi makutu pe, ndipo sono maso ghangughamuwonani,