Yesaya 57:2 - Tonga Bible 1986

² wasere mu chimangu; ŵapumuwa mu vita vyawo wo ŵatenda mu ukongorekwa wawo.

Yesaya 57:2 Referans Kwoze

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

Luka 2:29

“Sono mfwatuweni muŵanda winu, Ambuya, mwa nkhani yinu, mu chimangu,

Jobu 3:17

Ko ndiku ŵaheni ŵareka kusuzga ndipo ŵakuvuka ŵapumuwa.

2 ŴaKorinte 5:8

Kweni tikwimadi mtima ndipo ukongwako tinweka kutuwamo mu liŵavu ili ndi kwachija ndi Ambuya.

Luka 7:50

Kweni wanguti ku munthukazi, “Chivwanu chako chakutaska; kanga mu chimangu.”

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Wakutaula 12:7

fuvu liwere ku dongo nge ndimo linguŵiya, ndipo mzimu uwere kwaku Chiuta yo wanguwupaska.

2 Mikoka 16:14

Ŵangumuŵika mu muunda wake wo wangujinozge yija mu msumba waku Davidi. Ŵangumgoneka pa chita chakuzaza ndi vyachema vya mtundu mtundu, vyakunozgeka ndi ŵakupanga minkhwara, ndipo ŵangusonkha chi moto chikuru mwakumtumbika.

Luka 16:22

Ndipo kunguŵa kuti mpempha yo wangufwa, ndipo wangunyamulikiya ndi ŵangelo ku chipakatu chaku Abrahamu, ndipo msambasi nayo wangufwa, ndipo wanguŵikika.

Ezekiele 32:25

Ŵamuchitiya chita mukati mu ŵakubayika pamoza ndi mpingu wake wose, miunda yawo yikumuzingirizga, wose mbambura kuchinjika, ŵakubayika ndi lipanga; pakuti ŵangutenthemeska ŵanyawo mu charu cha ŵamoyo, ndipo ŵakupinga soni zawo pamoza ndiwo ŵaruta ku Zenje; ŵakuŵikika mukati mu ŵakubayika.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Yesaya 26:7

Nthowa ya ŵarunji njakutambara, ndimwe munyoroska nthowa ya ŵakurunjika.

Yesaya 14:18

Ŵakaronga wose ŵa mitundu mbakula mu unkhankhu we yose mu muunda wake;

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Danyele 12:13

Kweni iwe rutanga mpaka umari; ndipo upumuwenge ndi ukamanga mu malo gho ghakupaskika kwaku iwe pa umari wa mazuŵa.”

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’