Yesaya 5:8 - Tonga Bible 1986

⁸ Owe kwaku wo ŵalungizgana nyumba ku nyumba, wo ŵasazga munda ku munda, mpaka penipo malo ghalivi kujapo, ndipo mwachitika kuja paku mwija mukati mu charu cho.

Yesaya 5:8 Referans Kwoze

Mika 2:2

Ŵakhumbira minda, ŵayironda; ndi nyumba ŵazironda; ŵasuzga munthurumi ndi mbumba yake; munthurumi ndi chihara chake.

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Ezekiele 33:24

“Mwana wa munthu ŵakuja mu malo gha mapopa agha mu charu cha Yisraele, ŵeche kukamba kuti, ‘Abrahamu wenga munthu yumoza pe, ndipuuli wanguchihara charu ichi; kweni ifwe te ŵanandi, charu ichi nadi chikupaskika kwaku ifwe ku chihara.’

Ezekiele 11:15

“Mwana wa munthu, ŵana ŵanyako, inya ŵana ŵanyako, ŵamikoli ŵanyako, nyumba yose yaku Yisraele, inya wose, ndiwo pakuŵeniwo ŵakuja mu Yerusalemu ŵakamba kuti, ‘Wakuruta kutali kutuwako ku Ambuya; charu ichi chapaskika kwaku ifwe kuŵa chihara.’

Jobu 15:28

ndipo waja mu misumba yakupasuka mu nyumba zo munthu kuti wangajamu cha zenizo ze pafupi kuŵa viza;

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.

Jobu 20:21

Kwengavi kanthu kukujako pavuli wanguti wargha; chifukwa ichi usambasi wake kuti ukajaririyanga cha.

Nthanthi 15:27

Yo ngwa kasu chifukwa cha kwanduwa kwakupusika watole suzgu pa ŵanyumba yake, kweni mweniyo watinkha vinda wakaŵanga wamoyo.

Mika 2:1

Owe kwaku wo ŵaghanaghana ubendezi ndi kuchita uheni pa ŵagonapa vita vyawo! Kuchicha ndi mlenji ŵatuwuchita chifukwa we munthazi za janja lawo.

Habakuku 2:6

Asi wose yaŵa ŵakamukambanga, ndikumlenga, ndi kumseka kuti, “Owe, kwaku yo wawunjika vyo kuti vyake cha mpaka zuŵanji? Ndi watijizitiska ndi vikole!”