Yesaya 5:5 - Tonga Bible 1986

⁵ Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Yesaya 5:5 Referans Kwoze

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Chitenje 1:15

“Ambuya anguyeya ŵanthu ŵangu wose ŵanthazi mukati mwangu; anguwungang'a wumba kulimbana ndi ine, kung'anya ŵanyamata ŵangu, Ambuya akandiya pasi nge nchakukandiyamo vinyo ŵanthu ŵawo ŵaku Yuda.

Yesaya 28:18

Sono phanganu linu ndi nyifwa likamaranga ndipo kuzomerezgana kwinu ndi nyifwa kuti kukaŵangapo cha; penipo likhwechu likuru lijumpha mukapumikanga nalo.

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

Yesaya 28:3

Chilemba cha ufumu chakujikuzga cha wakulowe waku Efraimu chikapwatikiyanga kusi ku rundi;

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Chiyambo 11:7

Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Chiyambo 11:4

Sono ŵanguti, “Tiyeni tijizenge msumba; ndi sonjo pachanya, wafike ku mtambo, ndipo tijichitiye zina, vinu tingamwaranikiya pa charu chose.”

Danyele 8:13

Viyo ndinguvwa mtuŵa yumoza wakukamba, ndi mtuŵa munyake wakukamba kwaku yo wangukamba pakudanga, “Mpaka zuŵanji na chimarenge chiwona chakunena ndi sembe yakocha ya zuŵa ndi zuŵa, kwananga ko kupaska phasulu, ndi kupereka kwa malo ghakupaturika ndi liŵanja kudyakika ndi marundi?”

Chitenje 4:12

Ŵakaronga ŵa charu chapasi kuti ŵanguvwana cha, pamwenga nanga njumoza wa ŵakuja mu charu chapasi, kuti murwani pamwenga wakupindikana wanguziŵa kusere pa malikomo gha Yerusalemu.

Yesaya 25:10

Pakuti janja la Ambuya likapumuwanga pa phiri ili, ndipo Moabu wakapwatikiyanga pasi mu malo ghake, uli ndimo uteka upwatikiya pasi mu zenje la ndowa.

Nehemiya 2:3

Ndinguti ku karonga, “Waje wamoyo muyaya karonga! Chingareka uli kuzimbwa chisku changu, penipo msumba, malo gha miunda ya ada, nga uyiku ndi malikomo ghakufya ndi moto?”

Sumu 89:40

Mwawiskiya pasi vimati vya msumba wake, malinga ghake mwaghasanduska mapopa.

Nthanthi 24:31

ndipo ehe, wose unguŵinda ndi minga; charu chinguŵinda ndi kabata, ndipo lisitu lake la mya lingubwangandukiya pasi.

Yesaya 32:10

Pakurutapo chirimika ndi kanyengo kamanavi mukatenthemanga, mwa ŵanthukazi, ŵambura kughanaghanako, pakuti kuvuna kwa mphereska kukatondekanga, kuvuna kwa vipasi kuti kukazanga cha.

Yeremiya 18:11

Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’

Yeremiya 21:4

“Mukakambe viyo kwaku Zedekiya, ‘Viyo atiti Ambuya, Chiuta waku Yisraele: Ehe, ndikawezgiyanga vuli vidya vya nkhondo vyo vye mu manja ghinu, vyenivyo imwe murwiya navyo pa karonga wa Babiloni ndi pa ŵaKaldiya wo ŵakuzingani kubwalo ku malinga; ndipo ndikaŵawunjikanga wose mukati mu msumba uwu.

Yeremiya 28:8

Ŵamchimi wo ŵanguza paurongo paku iwe ndi ine, ŵa nyengo zamwaka ŵanguchima nkhondo, chilala, ndi chideru kuti ndivyo vikaŵangako mu vyaru vinandi ndimu maufumu ghakuzirwa.

Yeremiya 45:4

Ukakambe kwaku iyo, Viyo atiti Ambuya: Ehe, chenicho ndazenga ndibwanganduliya pasi, ndipo chenicho ndapanda ndipawuwa, charu chose ichi.

Hoseya 2:12

Ndipo ndinangenge mphereska zake, ndi miti yake ya mkuyu vyenivyo wanena kuti, ‘Ivi nchihara changu cho wakundanja wangu wandipaska.’ Nkhavisanduskanga lisuwa, ndipo nyama zamu dondo zikavirghanga.

Sumu 89:41

Wose ŵakujumphapo ŵatimuskowa waŵa chitozeru ku ŵakuzengezgana wake.

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;

Chitenje 2:6

Abwanganduliya pasi msasa wakenge ngwa mu munda, abwanganduwa malo gha madghera gha kutemeka; Ambuya akanizga madghera ghakutemeka ndi sabata mu Zioni, ndipo mu kukara kwawo kwakofya ayuyuwa karonga ndi mzukuru.

Hoseya 2:14

“Chifukwa ichi ndimunyengenge, ndi kuruta nayo ku lisuwa ndi kukamba nayo kwakufwasa.