Yesaya 5:2 - Tonga Bible 1986

² Wanguwulima wangutuzgamo mya, ndipo wangupandamo mphereska zakusankhika; wanguzenga chitanthali mukati mwake, wangusemiyamo thaŵali la mphereska mukati mwake; wanguwulereze kuti upasenge vipasi, kweni ungupasa vikorakora.

Yesaya 5:2 Referans Kwoze

Yeremiya 2:21

Kweni ine ndingumupandani mwa mphereska yamampha, mbeu yambura kwanangika. Na mwang'anamuliyanji kaŵiro kinu ndipo mwaŵa mphereska yamu dondo?

1 ŴaKorinte 9:7

Njani wateŵeta nge ndi msilikari wa nkhondo pa mphoto ya mweneko yija? Njani wapanda munda wa mphereska, ndi wareka kurghapo chipasi chake? Pamwenga njani waliska mskambu, ndi wareka kumwapo mkaka wa mskambu wo?

Marko 11:13

Ndipo wati wawona mkuyu kutari, wakuvwalira mane, wanguza kuti vinu wangasaniyamo kanthu; wati waza pafupi kuti wangusaniyamo kanthu cha kweni mani pe; chifukwa kuti yenga nyengo ya nkhuyu cha.

ŴaRoma 9:4

ŵeniwo mbaYisraele; kwaku ŵeniwo kwe ulezi wo, ndi unkhankhu wo, ndi marayizganu, ndi kapaskidu ka dangu, ndi uteŵeti waku Chiuta, ndi mapanganu;

Marko 12:2

Ndipo pa nyengo ya vipasi wantuma muŵanda ku ŵalimi wo, kuti warondeko ku ŵalimi vipasi vya munda wa mphereska.

Mateyu 21:34

Kweni penipo yingufika nyengo ya vipasi, wangutumizga ŵaŵanda ŵake ku ŵalimi wo, kwachironda vipasi;

Mateyu 21:19

Ndipo pakuwona mkuyu umoza mu mphepete mu nthowa, wanguza kwaku wo, ndipo kuti wangusaniyamo kanthu cha, kweni mane pe, ndipo watiti kwaku wo, “Pako pangaŵa so chipasi cha muyaya!” Ndipo sosonukweni ungumira mkuyu wo.

Mika 4:8

Ndipo iwe, chitanthali chamskambu, phiri la msumba waku Zioni ufumu wakudanga, ukazanga kwaku iwe, ufumu wa ŵanthu ŵaku Yerusalemu.

Hoseya 10:1

Yisraele ndi mphereska yakukuwa umampha, yo yipasa vipasi vyake. Mo waliri ndi vipasi vinandi ndimo wazenge majochero ghanandi; mo charu chake chiŵiya chamampha, ndimo wachitiya vikozgo vyamampha.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Yesaya 1:8

Ndipo msumba wa Zioni wajowoleka nge ndi msasa mu munda wa mphereska, nge nchigongwe mu munda wa vinkhaka, nge ndi muzi wakuzingika.

Nehemiya 13:15

Mu mazuŵa ghenigha ndinguwona mwaku Yuda ŵanthurumi ŵakukanda vinyo pa zuŵa la sabata, ndi kuza ndi ndundu za vyakurgha kupingizga zimbunda, ndiso vinyo, vipasi, nkhuyu, ndi mitundu yose ya vyakupinga, vyo ŵanguza navyo mu Yerusalemu pa zuŵa la sabata; ndipo ndinguŵachenjezga mu zuŵa lenilo ŵaguliskiyanga vyakurgha.

Ŵeruzgi 16:4

Pavuli paku ichi wangwanja munthukazi mu dambo la Soreke, mweniyo zina lake lenga Delila.

Marangu 32:6

Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

Chituwa 33:16

Pakuti kukaziŵikanga uli kuti ine ndasaniya wezi mu maso ghinu, ine ndi ŵanthu ŵinu? Si nchifukwa chakuruta nafwe pamoza imwe, kuti tiziŵikadi, ine ndi ŵanthu ŵinu, kuti tipambana nawo ŵanthu wose ŵanyake wo ŵe pa charu chapasi?”

Mateyu 21:33

“Avwani ntharika yinyake. Kwenga munthu, mweni-nyumba yo wangupanda munda wa mphereska, wanguwusitiya lisitu, wangukumba chakukandiyamo mphereska, ndi wanguzenga chigongwe ndipo wanguwupazgiya ŵalimi, ndipo wangamtembeya ku charu chinyake.

Marko 12:1

Wangwamba kurongoro nawo muzintharika, “Munthu wangupanda munda wa mphereska, wanguŵigha lisitu, wangukumba pakuponde mphereska, wanguzenga chigongwe, ndipo wanguwupazgiya ku ŵalimi, ndipo wanguyamtambula ku charu chinyake.

2 Samuele 7:10

Ndipo ndi sankhenge malo gha khamu langu Yisraele, ndiwapandenge, mwakuti ŵajijaliye mu malo ghawo ndi ghawo, kuti ŵakasukuniskikanga so cha, ndipo nanga mbanthu ŵankhaza kuti ŵaŵasuzgenge so cha nge ndi kali,

Sumu 80:8

Munguza ndi mphereska kutuwa ku Egipiti; mungudikiskamo mitundu mu charu ndipo munguyipanda.

Sumu 80:9

Munguyinozge malo kuti yikuwenge; nkhorozo zake zingusere pasi, ndipo yinguthaza charu chose.

Yeremiya 11:17

Ambuya ŵa maŵanja, wo ŵangukupandani, ŵalangula kuti muwone chiheni, chifukwa cha uheni wo ŵaYisraele ndi ŵaYuda ŵachita, kundisosomole ku ukari pakoche sembe kwaku Bala.”