Yesaya 5:12 - Tonga Bible 1986

¹² Ŵendi kaligu ndi bangwi, mtangala fyorilo ndi vinyo pa madghera ghawo; kweni kuti ŵaphwereko machitidu gha Ambuya cha: pamwenga kuwona nchitu za manja ghawo.

Yesaya 5:12 Referans Kwoze

Sumu 28:5

Chifukwa kuti ŵaphwere nchitu za Ambuya cha, pamwenga nchitu za manja ghawo, aŵabwanguduliyenge pasi ndipo kuti aŵazengenge so cha.

Jobu 34:27

chifukwa ŵangureka kumurondo, ndipo ŵengavi kuphwere nanga njumoza ya nthowa zake.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Luka 16:19

“Ndipo kwenga msambasi yumoza, yo wavwaranga vyakujeduka ndi bafuta wakuworofoka, wakukondwa zuŵa ndi zuŵa;

Yesaya 22:13

ndipo ehe, chimwemwe ndi kukondwa, kubaya ng'ombe, ndi kubaya mberere, kurgha nyama ndi kumwa vinyo. “Tiyeni tirghenge ndi kumwa, pakuti lamawa tikafwanga.”

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Chiyambo 31:27

Chifukwa chine ukuthaŵa kwakubisama, ndikundizgelera, ndi wengavi kundinene, mphanyi ndingukutuma ndi chimwemwe ndi ngoma, zisumu, kaligu ndi bangwe?

1 ŴaKorinte 14:7

Chingana ndi vinthu vyambura umoyo navyo, vyakumba mazu, fyoliro pamwenga bangwi, asani vireka kupambana mukakambiru kawo, chiziŵikwenge uli cho chifyororoskeka pamwenga chikambika?

1 Samuele 12:24

Opani Ambuya ndipo ŵateŵetiyeni kwamagomekezgeka ndi mtima winu wose, ghanaghanani pa vinthu vikuru vyo ŵamuchitiyani.

2 Samuele 19:35

Pa nyengo yino ndendi virimika machumi ghankhonde ndi ghatatu (80) kumbi ndingaziŵa kuteska cho nchamampha ndi chiheni? Kumbi ndamteŵeti winu ndingaziŵa kwesa cho nditurgha ndicho nditumwa? Kumbi ndingaziŵa kutegherezga ku mazu ghakumbika ndi ŵanthurumi pamwenga ŵanthukazi? Na ndamteŵeti winu ndiŵiyengengenji so mphingu yakusazgiyako ku mbuyangu karonga?

Yesaya 24:8

Kunozga kwa twakaligu kwachetama, chiwawa cha wakupunda chamara, kunozga kwa kaligu kwareka.

Yesaya 29:1

O Ariele, Ariele, muzi wo wangugoŵamo Davidi! Sazgako chirimika ku chirimika; madghera ghachitikenge so, ghachitikenge.

Yesaya 56:12

“Zaninga,” ŵatiti, “tiyeni timwe vinyo, tiyeni tigute ndi vyakuloŵereska; ndipo la mawa likawanga nge ndi msana wale, zuŵa likuru ndi lambura mapimika.”

Ezekiele 26:13

Ndikarekeskanga kumba kwa sumu zako, kumba kwa ŵabangwi ŵako kuti kukavwikanga so cha.