Yesaya 48:4 - Tonga Bible 1986

⁴ Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Yesaya 48:4 Referans Kwoze

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

Chituwa 32:9

Ndipo Ambuya anguti kwaku Mosese, “Ndawona wanthu yaŵa ndipo ehe, mbanthu ŵanonono mtima.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

Chituwa 33:5

Pakuti Ambuya anguti kwaku Mosese, “Kamba ku ŵaYisraele, ‘Mwe ŵanthu ŵanonono mtima; asani pa nyengo yimoza ndingaruta kwenda mukati mwinu mphanyi ndingamumalani. Iku sono zuwani vyakujitozga navyo, alinga ndiziŵe nchine ndingachita namwe.’ ”

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Sumu 75:5

nditiŵakambiya kuti ŵareke kujiŵikamo, rekani kumika makhosi ghinu.”

Chituwa 33:3

Kweriyani ku charu chakutawala mukaka ndi uchi; kweni kuti ndikarutanga namwe cha mukati mwinu, vinu ndingakumalani mu nthowa, pakuti mwe ŵanthu ŵanonono mtima.”

Yesaya 46:12

“Tegherezgani kwangu, mwa mitima yinonono, imwe mwe kutali ku chipozomosku:

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

Danyele 5:20

Kweni penipo mtima wake ungujitukumuwa, ndi mzimu wake ungunonopeskeka wanguchita vyose kwakujikuzga, ndipo wangusiskika pa chitengo chake, cha ufumu.

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

2 Mikoka 30:8

Sono mureke kungangamiska mitima yinu nge ndimo auskemwe ŵanguŵiya, kweni mujipereke ku Ambuya, ndi muzi ku malo ghawo ghakupaturika, ghenigho aghapatuliskiya ku nchitu yawo kwa muyaya, ndi muŵateŵete Ambuya Chiuta winu, mwakuti ukari wawo wakofya utuweko kwaku imwe.

2 ŴaKaronga 17:14

Kweni kuti ŵangukhumba kuvwa cha, ŵenga ŵanonono, nge ndimo ŵanguŵiya auskeu, ŵeniwo ŵengave kuywana mu Ambuya Chiuta wawo.

Marangu 10:16

Viyo dumuwani khungu laku mitima yinu, ndipo so mureke kuŵa so ŵanonono mu mitima.

Nehemiya 9:28

kweni pavuli ŵanguti ŵapumuwa ŵangulakwa so paurongo pinu, ndipo imwe munguŵajowole mu janja la ŵakupindikana ŵawo, viyo kuti ŵenga ndi mtufu paku wo; kweni penipo ŵangung'anamuka ndi ŵanguliriya kwaku imwe munguŵavwa ko kuchanya, ndipo nyengo zinandi munguŵapozomoska kwakuyana ndi malisungu ghinu.

Ezekiele 2:4

Mbanthu ŵakujikuzga ndi ŵakhosi linonono: nditukutuma kwaku iwo; ukaŵanene kuti, ‘Viyo atiti Ambuya Chiuta.’

Chituwa 9:7

Ndipo Farao wangutuma ndipo ehe nanga njimoza cha ya ng'ombe za ŵaYisraele yingufwapo. Kweni mtima waku Farao ungunonopeskeka, ndipo kuti wanguŵazomerezga kuruta cha ŵanthu ŵa.

Yesaya 30:9

Pakuti mbanthu ŵakugaruka, ŵana ŵatesi, ŵana wo kuti ŵakavwanga cha kusambizga kwa Ambuya;